方艙醫院隔離營|港人親身經歷10樣物品帶去多餘+4樣物品必帶

【方艙醫院隔離營】有市民分享方艙醫院隔離營親身經歷，長文勸戒10樣物品帶入去都多餘，包括有之前吹捧的拖板，轉插，熱水煲，反而帶4樣物品傍身最實際，隔離期間傍身如有神助，輕鬆好多！

方艙醫院隔離營親身經歷 10樣物品帶去都多餘、4樣物品傍身更實際

近日有網民向Facebook專頁「公務員secrets」投稿，指近日因疫情須進入方艙醫院隔離營進行隔離，指方艙醫院隔離營內備有一定設施及電器，提醒大家有10樣物品「完全唔使帶」：

1. 拖板
2. 轉插
3. 熱水煲
4. 廁紙
5. 杯麵
6. 紙包飲品
7. 洗頭水
8. 淋浴露
9. 牙膏牙刷
10. 洗面巾

方艙醫院或多或少備有以上10樣物品，或在隔離期間無需要使用，但投稿市民提到有4類型物品「必須攜帶」：

1. 大量不同藥物

投稿市民指出：「等衞生署俾藥太慢，最好收鼻水、止暈、退燒、喉糖、止咳露都齊，你唔知你去到day 3至4之後，病情會唔會有變化。」因此在接獲通知需要進入方艙醫院隔離時間，將適當及適量藥物放入「走佬袋」，將會是個不錯的選擇。

2. 小刀／剪刀

投稿市民又提及：「入邊唔會有提供（小刀或剪刀），但派餐啲湯包係手開唔到。另外，每日兩個橙，如果自問唔識搣橙，帶把刀仔方便好多。」如此以來，一把小刀就能夠解決方艙醫院隔離期間不少疑難問題，而且體積不大，放入「走佬袋」內亦不用擔心佔用過多空間。

3. 生果/蔬菜

在方艙醫院期間，務求確保身體能夠吸收足夠營養。投稿市民指：「每日得橙，怕咳嘅自己帶其他生果，派餐係無菜食嘅，帶耐放嘅沙律菜/罐頭蔬菜都可以補充下。」大家不妨聽從建議，將「走佬袋」內的杯麵、零食換成生果、蔬菜等富有營養的食品。

4. 沖涼膠籃

進入方艙醫院隔離營內，始終沒有完整家居配套，網民提到：「（可以帶個）沖涼嘅膠籃仔，浴室完全冇位擺嘢，得勾勾住衫褲，唔想擺落地下，就帶個膠籃岀入啦！」可以防止個人物品接觸地面之餘，亦可以防止弄濕衣物。

有網民留言感謝投稿市民分享親身經歷及建議，亦有留言認為始終方艙醫院隔離營並非完整酒店住宿配套，擔心工作人員未能將隔離房間內日用品徹底消毒，因此攜帶越多個人物品會越安全：「用住酒店既心態入住就差不多，酒店房啲嘢眼見看似好乾淨，但其實好污糟，所以可以帶到入去既用品盡帶。」