港人買護膚品嫌使用期限1年太短 港人鬧賣家把對話放上網圍爐取暖

有港人在網上購買護膚品時，問及護膚品過期日子。店主回應指該款護膚品有排都未過期。不過該港人似乎不買帳，表示時間太趕，更質疑店主「瞓醒未」，隨後更展開一段激烈對話，該港人隨後不忿上網投稿，大鬧店主態度惡劣，但似乎網民不太買帳，更笑稱：「竟然仲有勇氣投稿上黎俾人鞭」！究竟當中發生什麼事呢？

港人買護膚品嫌使用期限1年太短 港人鬧賣家把對話放上網圍爐取暖

有港人向Facebook專頁「西店Hi客之道 Hispitality Secret」投稿，稱自己在2021年12月中時，透過Carousell購買護膚品。港人當時向店主問及過期日子，獲店主回覆2023年過期。當時港人覺得店主表達含糊，未有講清楚是年頭還是年尾，因此決定暫不購買，回應道：「2023太趕了，唔好意思！」

兩人言語交流似乎有誤會，店主當下連環4句回應稱：「你喺度講咩」、「今年2021」、「2023趕啲咩」、「救命呀，發生咩事啊」，港人當下認為自己受到店主不禮貌對待，繼而激發了該港人的脾氣， 一句懟回去：「仲有半個月就2022，瞓醒未！」

港人在投稿內容中表示：「雖然我知正常護膚品開封之後半年至一年內要用晒，但係你理得我點用、幾時用、用幾耐咩？」，認為店主有責任交代清楚商品細節之外，又指「咁我計過有啲趕，咪同佢講返句唔好意思，X佢老X，一句車埋嚟問我趕d咩，我嚟買嘢，唔X係嚟受氣，佢串我之前，我亦都冇比過佢氣受。係咪香港人太大壓力？賣嘢賣到咁，摺咗佢算啦。」

投稿內容引起不少網民討論。有網民指該港人擔心好多餘：「你無嘢呀，成年都嫌保質期限短？你係木乃伊嚟㗎？鍾意用重度防腐劑搽面嘅咩？」、「香港人真係好好笑，限期長又驚多防腐劑，限期短又驚用唔哂」，另外亦有網民指該港人自己無禮貌在先：「人地無講年頭定年尾，你有疑慮可以問㗎嘛」、「你本身係冇同人講話唔好意思+唔要喎！如果睇對話圖，反而係對方賣家話得返幾支問樓主仲要唔要先覆人哋話唔要」、「個客問人瞓醒未先，俾人話返轉頭就覺得個店主西，咩邏輯」。

不少網民更留言笑指該港人「圍爐失敗」、「竟然仲有勇氣投稿上黎俾人鞭」；亦有網民保持中立態度，認為「其實我覺得係兩家溝通問題，冇講清楚想表達啲咩，單憑片言隻字就會令大家就誤會咗。」，指在網購過程中，盡量保持克制禮貌及良好溝通，會讓買賣雙方更舒適。