日本過江龍THE MATCHA TOKYO一月登陸銅鑼灣 超好評特濃抹茶/雪糕

【銅鑼灣美食】日本過江龍THE MATCHA TOKYO即將1月進軍香港銅鑼灣，主打有機抹茶，屆時推出特濃抹茶飲料、抹茶軟雪糕、抹茶牛奶醬Croffle等抹茶系列。抹茶控們以後不用坐飛機，都可以嚐到好味的抹茶甜點喇！

日本過江龍THE MATCHA TOKYO一月登陸銅鑼灣 超好評特濃抹茶/雪糕

又有日本過江龍登港！東京人氣抹茶店THE MATCHA TOKYO即將於1月21日進駐銅鑼灣，主打多款有機抹茶飲料或甜點，其中包括特濃上級抹茶、抹茶咖啡、抹茶檸檬特飲等，店內更設有年輕茶師駐場，展現茶道工藝。

新店會供應各式抹茶甜點，包括抹茶軟雪糕、抹茶啫喱檸檬芭菲等，配以特濃抹茶醬，味道濃郁，絕對是抹茶控至愛！店內更會提供特色甜品抹茶牛奶醬Croffle，將香脆的牛角包與窩夫混合，上面淋上抹茶牛奶，濃濃抹茶味伴醇厚奶香，實在值得一試。

THE MATCHA TOKYO在2018年日本開店，主打的有機抹茶，深受年輕人歡迎因而火速竄紅，及後分別在表參道、新宿、澀谷、大阪梅田設新分店！今次進軍香港，相信不少抹茶控都大為歡喜，新店與日本店一樣，同樣會選用鹿兒島及京都宇治自家茶園出產的100%有機抹茶，大家有機會記得去試喇！

THE MATCHA TOKYO

地址：銅鑼灣（有待公佈）
時間：有待公佈
預計開業時間：1月21日