深水埗甜品|中式糖水店$5起！大大碗豆腐花/西米露/桃膠半價

【深水埗甜品】深水埗有間中式糖水小店，專售各式中式甜品，包括豆腐花、核桃露、椰汁西米露、桃膠等，最平更只需要$5起，而且還要是大大碗！新張期間更設有半價優惠，非常抵食！即拉下文睇有咩食同地址啦！

位於深水埗的「黃金美食」是一間主打中式傳統甜品的小店，有多款傳統糖水供應，包括豆腐花、豆漿、椰汁西米露等，最平更只需$5起就可以食到一碗。新開張期間更設有半價優惠，多款凍熱糖水都有，非常抵食！

深水埗甜品必試小店的招牌豆腐花（$5），提供熱食的豆腐花。豆腐花雖然價錢非常親，但份量並不少，有滿滿一碗。店家會在盛好豆腐花後加入薑汁及適量黃糖，如果不需要也可以向店家說明。豆腐花和其他熱食糖水一樣都以中式公雞碗盛載，懷舊感十足。

椰汁西米露（$10）也是小店的必試糖水款式，非常受客人歡迎，設有凍食及熱食。凍食需由客人自行到雪櫃處取，熱食則如豆腐花一樣會由店家新鮮盛在公雞碗內。椰汁西米露西米份量十份多，每一口也可食到西米。椰汁味道也非常濃郁，可見用料不馬虎。

小店亦有多款傳統中式糖水供應，包括豆漿（$5）、檸檬蜜（$5）、茶葉蛋（$10／3隻）、核桃露（$10）、桃膠（$10）、木瓜奶（$10）、果皮紅綠豆沙（$10）、楊枝金露（$15）等。凍食全用膠樽盛載，頂部設有一個縷空圓形可以插入粗飲管食用糖水的配料，也便於攜帶。

小店提供堂食及外賣，不過店內空間不大，座位約有4-6個。由於座位數量較少，故使用座位時間為約15分鐘。亦設有立食區，可在店內享用糖水。

黃金美食
地址：深水埗元洲街11號
電話： 6123 9392