秀智生日偷步唱《當你沉睡時》OST 第9、10集變態跟蹤李鍾碩？
撰文：鄧樂宜
出版：更新：
尋日係國民初戀秀智嘅23歲生日，秀智就舉行生日會同粉絲一齊慶祝，一開場就唱出個人迷你專輯《Yes? No?》中的收錄曲《假裝幸福》（Pretend），仲應粉絲要求著住高踭鞋跳二倍速舞！
雖然呢晚係秀智嘅生日會，但似乎收到禮物嘅反而係粉絲，因為秀智完全有求必應，更大方展示最近主演劇集《當你沉睡時》入面的撒嬌！不過做完之後秀智就怕怕羞，大叫：「我唔要過生日喇！」除此之外，秀智仲「偷偷地」唱咗一小段未公開的《當你沉睡時》OST，呢首《I Love You Boy》今日下午才會公開，但尋晚粉絲就可以率先聽到秀智現場清唱，真係太幸福喇！
另外，《當你沉睡時》今晚將播出第9、10集，劇組早上率先公開咗一小段片段，當中秀智坐喺café買定咖啡「捕」李鍾碩，估唔到李鍾碩其實一早就坐喺身後！李鍾碩忍唔住問：「你係跟蹤狂？你冇嘢做咩？」秀智竟然理直氣壯答：「係！冇嘢做！」唔知佢哋今集又會夢見點樣嘅未來呢？
《當你沉睡時》李鍾碩秀智夢中之吻！ 收視反超河智苑《醫療船》
更多《當你沉睡時》劇照：
+14
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/