《當你沉睡時》秀智大戰金所炫 李鍾碩完美演活「虛勢男」
撰文：鄧樂宜
出版：更新：
韓劇嘅男主角特別多「種類」，《鬼怪》入面嘅孔劉同李棟旭叫「悶騷男」，《醫療船》嘅李瑞元同《愛情的溫度》嘅梁世宗就叫「直進男」，依家《當你沉睡時》入面嘅李鍾碩，就完美演活咗最可愛、最靚仔嘅「虛勢男」！
所謂「虛勢男」，即係虛張聲勢嘅意思，故意扮到好勁好叻，但其實又做唔好，而李鍾碩在《當你沉睡時》入面，就係一名虛勢男！昨日播出嘅第5、6集中，李鍾碩在死敵李相燁面前大放狠話，話要重新處理金所炫爸爸嘅家暴案件，甚至大膽到頂撞部長，話一定要查清楚：「檢察官對案件仔細唔通有錯咩？」真係好man㗎！
《當你沉睡時》第5、6集李鍾碩戀愛高手認證！ 扮受傷呃秀智呵番
不過李鍾碩之所以咁有guts，全因為信咗秀智亂吹嘅六合彩號碼，以為就算劈炮唔撈都可以生活無憂，仲把心一橫諗住買新車！誰知秀智一問：「你唔係信咗我亂講嘅六合彩號碼啩？」李鍾碩登時晴天霹靂，但依然要扮冇事話：「哎，我點會信呢！我講過，我唔會因為錢而講唔應該講嘅嘢！」最後仲要整一整理西裝咁話：「我走先。」實在係太丟臉喇！
另一邊廂秀智同金所炫兩位女神就掀起大戰，話說金所炫同媽媽因為家暴問題無家可歸，秀智收留了她們，但就每分每秒都同金所炫頂嘴，仲互鬧對方去「便便」去塞馬桶，幼稚得來又好好感情！
《醫療船》收視險勝李鍾碩《當你沉睡時》 河智苑為父親自開刀！
更多《當你沉睡時》圖片：
+34
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/