【春嬌救志明】唔係日本取景咩 彭浩翔：千嬅怕輻射改去台灣
撰文：戴嘉達
出版：更新：
來到第三集《春嬌救志明》，彭浩翔落足心機交出成績，該片上映僅一日後已錄得180萬票房，成為昨日本地票房華語片的冠軍，電影笑料多，溫情位夠，但戲中不似預期的地方都有，例如話，開拍前曾經宣布過，會去日本取景拍攝，但最後說好的日本呢？為何最後春嬌與志明去了台灣？彭浩翔在接受電話訪問時解釋，原來跟楊千嬅個肚有關，「311東京地震後，啟發我想到日本拍，不過千嬅怕有輻射，因她想再做媽媽，比較有點擔心，所以後來轉去台灣，那裡都經常發生地震」。
消失的李安納度替身
另一個「貨不對版」就是李安納度消失了，吖…是他的替身才對。早前《春嬌》拍攝時，劇組被拍到從荷李活請來李安納度的替身，眾人期待他在戲中的演出之際，竟然人影都無，彭浩翔說「其實都有，但見唔得清楚，原本他在夜場與千嬅有對手戲，但最後都剪走了」。
當被問及原因時，彭浩翔續說「因為片長已經有120分鐘。」好嘢多到裝都裝唔落，可想而知《春嬌》有幾唔惹小。「我自己覺得很可惜，十分不好意思，特地邀請他搭飛機來。」雖然他與大銀幕觀眾緣慳一面，不過彭導承諾會讓他推出光碟版時「復活」，而且還包含其他絕密片段，「好似之前《春嬌與志明》拍咗好多片，有一小時的片剪走了，後來都放在DVD內」但幾時會有或者會唔會有下集呢？彭導老實地說「暫時未有計劃」。