徐忠信逝世丨上周聚會見面　錢嘉樂慨嘆：大家仲決定頒個獎畀佢

香港著名武術指導俆忠信，今日疑因心臟不適，入院搶救不治，終年70歲。徐忠信被行內人尊稱做「大師兄」，是現屆香港動作特技演員公會的副會長，而會長錢嘉樂今日接受訪問時，直言感到好突然，慨嘆要「珍惜眼前人」。

錢嘉嘉樂透露徐忠信家人現在要處理後多事，但該會一定會全力協助及支持。他說：「好突然，我哋個會定期有聚會，上周先開會茶聚，講嚟緊初七春茗點搞，大家開會時仲決定頒頒個獎畀佢……真係世事難料，珍惜眼前人。」

嘉樂表示感激上一代的武打演員，為現在的香港武術電影打好基礎，「我哋呢代香港電影咁輝煌咁好，都係上一代努力奉獻好多，做個咁好平台，拍好多外國電影，前輩功勞唔少。呢啲前輩大家都非常敬重，我哋要珍惜眼前人，真係太突然。」