【恭喜八婆】開新戲八婆雲集　彭浩翔：好耐冇笑得好開心嘅賀歲片

被稱為香港電影界鬼才的彭浩翔最近開拍一部賀歲喜劇《恭喜八婆》，今日（31日）於上環舉行開鏡拜神儀式。問到彭導為何會發一部有關「八婆」的電影？他笑言因為自己身邊有太多「八婆」，故此決定將她們的事跡輯錄成電影劇本：「其實都好耐冇一啲笑得好開心嘅賀歲片喇，好想帶畀觀眾一套瘋狂笑嘅喜劇。（太多八婆，會怕控制不了？）我覺得還可以嘅，我成日拍戲都係好多女性緣，同埋其實八婆都唔係話一定係女人，陳奐仁同埋曾國祥都係八婆戲嘅主角之一。」

彭浩翔自認係八婆

其實「八婆」這稱號並非女性專屬，當然亦帶有貶義，不過原來男性亦能有「八婆」的性格，例如彭浩翔就自認其一：「最切合新戲角色嘅，我諗係《春嬌》系列嘅陳逸寧、林兆霞同埋谷祖琳嗰幾個，佢哋好夾㗎，佢哋喺《春嬌》入面都係做呢啲八婆角色㗎啦，其實佢哋三個都係我嚟嘅，講晒我平時講嗰啲對白，我成日講好多呢啲是非嘅，一個角色做唔晒，要搵佢哋三個扮我，三個先頂到我一個！」