【恭喜八婆】陳靜答謝恩師彭浩翔無條件「做八婆」︰咩劇本都OK

陳靜（Dada）昨晚（17日）出席電影《血祭哈囉喂》首映禮，她指自己雖然本身很怕鬼，但覺得正值10月是萬聖節月份，可以挑戰膽量「應吓節」。Dada稱自己看恐怖電影時都會捉實旁邊的朋友，更笑言如果能與心儀對象一齊看鬼片就最好不過：「我相信如果遇到一個真係心儀嘅對象我都會想嘗試同佢一齊睇，哈哈！」她稱每次看完恐怖片後，回想起恐怖場面都會睡不著，加上自己一個人住的關係令她更害怕。

Dada主演的電影《喜怒哀樂》亦有恐怖靈異的元素，她透露自己拍攝時反而會比較大膽：「我自己拍又唔驚喎！我自己接戲唔會抗拒啲鬼啊、或者一啲恐怖情節，但叫我睇就會避免囉！」Dada稱以往幾年萬聖節都碰巧不在香港，今年終於有機會在香港跟朋友一起扮鬼扮馬：「我覺得其實宮廷裝喺萬聖節都有啲恐怖，萬聖節嘅恐怖版《延禧》都幾好！」

Dada將會在彭浩翔導演的賀歲片《恭喜八婆》中飾演一個「八婆會」成員，她形容接拍絕對是義不容辭：「佢（彭浩翔導演）畀咩劇本我都OK，因為佢係我恩師嚟，其實我上個禮拜先知佢要開呢部戲，我個檔期又OK，所以我就話好啊我嚟！但係劇本啊乜都未有，我都話拍啊拍啊！」