【大星講】林家棟唔忿氣轉做監製　「觀眾唔係得合拍片一個選擇」

ViuTV節目《大星講》今集訪問影帝林家棟，貴為影帝的他，在節目中重提不少演戲舊事，不過更精彩是講到當監製事宜。當日貿貿然由幕前退到幕後，為的就要替港產片爭口氣︰「觀眾唔係得合拍片一個選擇。」

要數林家棟監製的作品，首部《打擂台》（2010）就已經為他打出漂亮一仗，在金像獎橫掃4獎，包括最佳原創電影音樂、最佳電影及最佳男女配角（泰迪羅賓、邵音音）。回想當日踏出第一步，源於一股唔忿氣。「當時個個都拍合拍片，點解得合拍片？我不排除它的存在價值，但觀眾唔係得一個選擇！」

【大星講】吳鎮宇拍《鎗火》質疑杜琪峯劇本︰遇狙擊手仲咁英？

要小龍哥跪低！

如果記得《打擂台》的故事，一班年紀老邁的武者，重拾信心踏上擂台，「這部電影正正想鼓勵香港人，戲中一句『唔打唔會輸，要打一定要贏』。」戲中需要前輩梁小龍，打輸一場比賽，並要累得跪在對手面前打空氣。這場面對於一個資深武者而言，是有點侮辱，所以小龍得知後都反問一句︰「跪低？」於是家棟一個比喻去游說他。「那份感覺就似牌匾上寫『浩氣長存』，死不緊要，但精神足以影響後世，人去到這個年紀還為自己奮鬥，這精神比一個打十幾個更重要。」結果這個熱血激昂的比喻，就成功令小龍哥首肯。

【大星講】黃秋生獲江湖大佬邀拍爛片　「仲搵前亞姐摸我大髀傾」

當上監製後，家棟每次Sell故仔，都要直接面對不同老闆，更因此了解到整個電影市場，究竟發生甚麼問題？「大家好相信市場分析，拍甚麼都要市場分析，分咩析？你可以影響觀眾嘛！你可以嘗試帶觀眾去睇。我相信當日冇人會知《少年Pi的奇幻漂流》會成功，套戲得一隻老虎、一個小朋友、一個湖、一條船。」家棟更直言圈內太多馬後炮的人，令他聽到太多令人氣餒的說話，「唔好再做甚麼市場分析吧！」市場是可以自己製造出來的。