【大星講】袁詠儀御夫有術 張智霖咁靚仔都無女埋到身！
張智霖（Chilam）能夠稱為男神，除了有英俊不凡的外表之外，他還同時有紳士風度、見多識廣、風趣幽默……優點數之不盡，所以亦難怪他多年來都緋聞纏身，例如有佘詩曼、郭可盈、朱茵等等，每個都貌若天仙。當然，Chilam結婚17年的老婆袁詠儀貴為港姐冠軍，論樣貌絕不輪蝕！不過要維繫一段婚姻，或多或少都需要一些「手法」。
張智霖衰風趣
最近袁詠儀（靚靚）為ViuTV節目《大星講》擔任嘉賓時大方分享了自己的御夫術，既文明又實用！但致使靚靚出招的原因，是基於張智霖先天條件太好！而最令靚靚困擾的除了是Chilam天生異性緣旺盛之外，還有他風趣幽默的本性，靚靚笑言：「我成日覺得男人，最鍾意就係覺得自己懶幽默，覺得自己好好笑，特別你（指主持陶傑）呢啲好有學識嘅呢，其實唔多唔少實有好多女好仰望，係咪先？嗱幽默，又靚仔又好似識啲嘢，係咪好出事吖？所以要搞清楚，有啲人唔可以過份幽默。」更笑言Chilam試過將傾慕者為他煲的湯水帶回家與靚靚分享，認真大膽！
御夫術4招大公開
但正如陶傑所言，男性很多時會說得太多，本性如此難以避免。因此，既然江山易江品性難移，靚靚惟有出招御夫捍衛愛人和家庭！以下是她在節目中傳授的4大絕技：
1）朋友要夠多！
Chilam做演員經常走訪世界各地，換言之，常處於靚靚的視線範圍之外。但靚靚總不能夠24小時跟實Chilam，所以很多時候都要靠朋友回報：「我有好多綫眼，唔係我想佈滿架，咁我以後識落人多吖嘛，個個一到就打畀我話佢同Chilam合作緊，我叫佢幫我好好照顧佢，咁就得架喇！」
2）老娘在此！
24小時緊貼Chilam，但不時都需要在片場現身，以宣示主權：「不過我就唔會好似保安咁企喺度望住，係要話畀佢聽我喺現場，醒定啲呀吓！」其實靚靚要親自出馬亦不無原因，她在節目中提到有一次，一位傾慕Chilam的女士向Chilam打招呼，但竟然將站在他身旁的靚靚完全無視：「我話其實你（指Chilam）都有責任，你應該即刻介紹呢個係我老婆！」
3）以身作則！
Chilam有女性埋身是可以避免的，要學習如何「截電」！話說回頭靚靚的緋聞真是少之有少，尤其與張智霖公開戀情之後，幾乎與緋聞絕緣！靚靚表示對傾幕者一定要夠絕：「我一識一個人，我感覺到嗰個人有啲嘢呢，我好清晰話畀對方聽，我唔會畀機會任何人有任何遐想！」
4）保持自己條件優良！
1990年香港小姐冠軍，是美貌與智慧並重的象徵，仰慕她的男士亦有不少！靚靚笑言：「其實我老公都好擔心我，佢成日打電話Check住我喺邊！」所以要留住老公？倒不如令老公留住你！
御夫禁忌，靚靚永不再check電話
相信有不少女性都喜歡甚至習慣「check」男友／老公的電話，靚靚亦試過，不過她試過一次後再不採用了！原因是此舉令Chilam反感：「佢好有心機同我講，佢唔想咁樣，佢覺得咁樣係無意思，即係你都唔信我。」
其實靚靚和Chilam都不時放閃都係維繫父妻關係嘅招數之一！點擊下圖放大！