【黃金兄弟】求逼真打到陳小春面腫 曾志偉：我拍呢啲戲好少留手
撰文：趙允琳
出版：更新：
《黃金兄弟》昨日（20日）開畫，監製曾志偉、導演兼主演錢嘉樂，以及3位主角鄭伊健、謝天華、林曉峰到戲院謝票。志偉表示在去過不同地方首映後看到觀眾反應也很熱烈，身為監製也對作品感到很放心，放下了心頭大石。志偉更大爆錢嘉樂恩師洪金寶看完後對嘉樂讚不絕口，大讚錢導演把5個人的兄弟情發揮得淋漓盡致，非常出色。
戲中有場志偉打陳小春的場面最受觀眾觸目，志偉大讚小春表現好：「（拍咗）三個take，打到已經佢左邊面有少少腫腫地。我發覺我拍呢啲戲好少留手，因為嗰個反應要真囉，你當時想點打就點打㗎啦，咁就真係打落去。」他更大爆小春被打到流下男兒淚：「佢打之前眼淚已經準備流出嚟，打完之後（眼淚）直頭標出嚟咁濟啦！」
由劇本創作到上映花了三年時間，志偉表示在這三年是一段非常開心的時光。被問到會否再有下一個三年拍續集？志偉透露玄機：「佢哋下一個二十年都仲得啊，下一個三年都唔係好難啫。」