【黃金兄弟】首日開畫錢嘉樂呻壓力大　五子有意轉戰真人Show

電影《黃金兄弟》今日（20日）正式開畫，一眾演員也開始出現戲院謝票，而曾志偉、鄭伊健、錢嘉樂、謝天華及林曉峰也有出現謝票，唯獨欠缺陳小春，伊健幫小春回應：「佢（陳小春）係狙擊手，佢係遠處睇住我哋。」天華則笑說：「小春去那兒」

說回開畫的第一天，身為導演的錢嘉樂透露心情十分緊張，「今日尤其是香港開畫，真係會好緊張，有一種無形壓力，可能太喜歡呢一部電影，所以先會有壓力。」問到曾志偉有給壓力？嘉樂直言沒有：「佢係一個非常好嘅監製同出品人，佢做監製幫助我好多，但同時佢兼顧出品人係需要慳錢，但監製又要洗錢，咁會好矛盾，但佢好幫助我洗錢方面，其實超資超出好多我知道，但佢一直冇同我講，所以真係好多謝佢。」

拍攝這一部電影五兄弟直言只是完成了一部份的夢想，問到之後還有什麼夢要完，例如拍電影劇、舞台劇或者綜藝等？謝天華笑言平常吃飯大家也有討論這個話題：「跟住落嚟用乜形式可以做呢？其實做真人show都有可能，因為真人show亦可以走來走去。」