【逆流大叔】岑珈其客串照樣交足貨 爆Seed戲夠力皆因坎坷過

《逆流大叔》自開畫至今已經第6個星期,相信不少港人已經入場觀看,與吳鎮宇飾演的「陳龍」和潘燦良飾演的「黃淑儀」同喜同悲,幻想與他們在龍舟上一起乘風破浪,而電影截自今日(8日)已經取得超過1300萬票房,成績非常理想,絕對有望在中秋節前衝破1400萬。
一直以來觀眾都側重於吳鎮宇、潘燦良、胡定欣等主要角色身上,但其實一班客串演出的演員亦是值得一讚,好似故事開初出現、飾演寬頻仔「陳自豪」的28歲岑珈其,比起一班大叔、偽大叔絕對毫不輸蝕。

戲中,同樣是寬頻公司工程部員工的吳鎮宇、潘燦良和鬍子彤等,在工業行動中籤下假名「獅子山下」、「羅文」等,唯獨岑珈其簽了真名「陳自豪」,公司秋後算帳時,便立即解僱岑珈其,當他發現一班出生入死的「好同事」只簽了假名時,便爆Seed怒鏟他們「縮骨」、「冇義氣」:「最差最差就係我哋香港人會自己陷害自己人!」令生活上受過不少冤屈的香港人感同身受。
其實岑珈其本人與其角色一樣都受過不少挫折,16歲那年,他參演了麥曦茵執導的獨立電影《烈日當空》,一圓演員夢的他以為自己以後會一帆風順,片約不斷,但事實和預期永遠都有落差,參演《烈日當空》後的兩年間,他只零零星星地接拍一些香港電台單元劇工作,他接受《香港01》訪問時說:「真系唔繫好想像中咁多人揾,自己既唔系正式入行,又仲繫好細個,得16、17歲,唔系咁多角色都啱自己。」
他好清楚家人不想他無所事事,終日遊手好閒等一個機會,他硬着頭皮去炒散、做Part-time,希望能夠養活自己,同時交到家人或者覺得微不足道的家用:「嗰兩年我做過司機、跟車、Sales、磨雲石、地盤、地產、保險同燒烤場等等好多唔同嘅工。」為何不索性揾份長工?岑珈其直言自己好清楚演員才是他的志業,就算比起其他人付出更多汗水,只要爭取到一個機會,一切已經變得值得:「嗰段一邊打工一邊Casting嘅日子,我睇到、學到好多嘢,即使而家擰返轉頭去諗,我都冇後悔咁選擇。(辛酸?)又唔算,係一種經歷,起碼令自己更確定、認清我有幾熱愛件事。如果有人問我,我可以為夢想付出幾多,我會答我可以付出我嘅人生。」而他亦確確實實地正在付出自己的人生。
提到岑珈其在《逆流大叔》中爆Seed,氣勢蓋過同場的好戲之人吳鎮宇、潘燦良,問及被背叛的親身經歷,他選擇一語帶過:「喺呢個地球生存咗28年,點都會唔好彩遇過啲心地唔好嘅人。」不過他強調該場演出的情感是「比珍珠更真」,因為三位對手都讓他好快入戲:「本身劇本都冇話到要篤住佢三個嚟鬧,我個角色系一個好熱血、好純真嘅青年,佢系第一次喺社會遭受背叛,佢會對佢所相信嘅人有感情,所以我就提議篤住佢哋三個,好多謝導演(陳詠燊)接受呢個建議,又好多謝一班主演肯配合我俾我鬧。」
記者笑指電影以龍舟比賽為骨幹,但岑珈其連水都沒有掂過一滴,他笑說:「其實我好多謝導演揾我客串,雖然今次冇份扒,但系睇完成套戲我都好熱血,都有啲想去學!之後都有人問返我,以為我最尾會有份出現返幫手扒龍舟,其實我咁樣已經好開心,因為有人睇完套戲會記得我!」