【逆流大叔】大叔扒龍舟唔簡單 《奔跑吧》王祖藍做鼓手都頂唔順
《逆流大叔》氣勢如虹，電影踏入第三周，相信將要衝破500萬票房，聽過唔多，但其實都是台前幕後努力的成果，令電影成為今年最有話題的港產片。
由於電影以扒龍舟為題，令不少觀眾都對這傳統活動提起了興趣，但呢項活動又係咪咁易上手呢？其實最近一輯《奔跑吧》，幾位主持包括王祖藍、鄧超、Angelababy、李晨等都有上場，當中Baby更因為技術未達標，直頭不獲准落船，非常嚴格。
內地綜藝節目《奔跑吧》最新一季經已播完，而當中第一集就要幾位主持包括︰鄧超、Angelababy、李晨、陳赫、鄭愷、王祖藍、鹿晗一齊落場挑戰扒龍舟，目標是完成2000米賽事，而對手更是來自中國各地的大學划艇隊及哈佛大學隊。
Angelababy冇得出戰
幾位門外漢起初都覺得賽事沒太大問題，直至落到船就知大件事，單是如何保持扒出直線不轉彎已相當困難，其中被安排做陀手的Angelababy，坐在艇末似是最慳力的工作，但原來都唔簡單，單係點樣維持龍舟一直向前行也難以掌握，更難係要整個人企起身先可以發力，但在狹窄的艇上保持平衡又係另一艱難。結果在教練多番觀察下，仍覺得她未達標，最終被選為後備隊員，只能負責後勤工作，令到Baby更唔開心，多次喊出來。
【逆流大叔】盡數你不知道的電影細節 黃德斌要全程戴假肚扮中年
Baby出盡力都撐唔住
一秒扒一下是基本消費
至於有得落船的都唔係好受，睇《逆流大叔》，都知要划得好，動作要準確並有力，由於賽事是2000米長途賽，大家首次試扒這個距離時，扒了好一陣子先發現行得500米，令大家極驚訝，而且要長時間保持動作的準繩也非易事。隨後再練習時，教練要求速度加快，當時大家的划艇密度是1分鐘45下左右，但原來平均是要60下，世界冠軍級更是90下，似乎一秒一下是基本消費。當中是運動健將的鄭愷也扒得木無表情。
過終點感動落淚
至於大家熟悉的王祖藍，雖然只擔任鼓手，但就是整條艇的節奏所在，非常重要的角色，而且要時刻喊出節奏，為團隊打氣相當辛苦，難怪去到過終點一刻非常感觸，仲忍唔住喊出嚟！雖然是最後一隊過終點，但大家都覺得難能可貴，是一次好好嘅體驗。