【歐洲攻略】發佈會派心心考起梁朝偉　網民：影帝都Hold唔住

新片《歐洲攻略》昨日於北京舉行首映發布會，一眾演員包括梁朝偉、吳亦凡、唐嫣、杜鵑，及導演馬楚成均有出席。電影於本周五在內地率先上映，當日撞正七夕，偉仔現身時就大派心心造勢，但媒體卻捕捉到他露出「囧樣」，被網民恥笑為宣傳要拋棄自己。

大會為搞氣氛，安排吳亦凡、唐嫣與杜鵑要向偉仔使出「偷心殺手鐧」，先有唐嫣講老土情話，再有杜鵑捧臉賣萌，最後吳亦凡竟然攞出一副手扣，話扣住偉仔就成為他的人。戴住米奇老鼠手套的偉仔，面對這種尷尬場面，仍盡力配合每一位拍檔，但演技出神入化的他，卻無法遮掩一臉不情願，仲唔覺意露出「囧樣」，有網民笑稱偉仔的表情似生無可戀。

點撃下圖睇偉仔點賣萌

《歐洲攻略》是馬楚成繼《東京攻略》及《韓城攻略》後，「攻略系列」的第三部曲。馬楚成大讚偉仔好適合拍喜劇：「梁朝偉私下其實很幽默風趣，沒有人會比他更適合演這個角色。我覺得攻略系列是梁朝偉的品牌，如果品牌不在了，我覺得就沒必要拍下去了。」劇組於本周四來港舉行首映禮，屆時偉仔與導演都會出席。