【歐洲攻略】梁朝偉再演特工 預告片先聽流利港式英語
撰文：許育民
出版：更新：
由《東京攻略》打到去《韓城攻略》，到今次馬楚成再同梁朝偉合作《歐洲攻略》，不過全片已經再唔係昔日的港產片，甚至連合拍都唔係，是切切實實的一部國產片，有吳亦凡、唐嫣、杜鵑參與，仲有林子祥加盟。預告一出，大家都志在想睇下偉仔的動作場面，但估唔到最引起話題的係偉仔的港式英文。
相隔10年，《攻略》系列推出第三部曲《歐洲攻略》，電影大部分取景於意大利，所以連帶人物海報都以意大利國旗的綠、白、紅色作背景。梁朝偉繼續飾演特工，林子祥就飾演世界級駭客「聽風者」。
該系列的電影向來集亮麗動作及喜劇風於一身，以輕佻幽默的節奏，展示強勁的動作場面。在《東京攻略》入面，因為偉仔係日本特工，所以都有幾句日文對白要講，來到今集，意大利文就唔使，英文就要講兩句，預告中就有一節英語對白，沒有刻意扮鬼仔，是「正統」的港式英語Mode，非常親切。
不過如果數偉仔講英文，呢段都未算最精彩，最正應該係《黑獄斷腸歌之砌生豬肉》（1997）中，向太平紳士要求犯人要有底褲著。原來一直用中文講的他，見外籍大Sir無反應，於是用英文親自講出有底褲著的好處，既免除遇到女性時會尷尬，有底褲可挽回大家尊嚴，從而減少獄內打鬥事件，非常有建設性。聽完呢番言論，連飾演太平紳士的李力持都對他另眼相看。所以話，學好外語你話幾好呢！
王家衛《阿飛正傳》令梁朝偉重拾演戲的興奮 「我肯定他了解我」王家衛回應梁朝偉出走 將他打造亞洲影帝「不負所托，非常圓滿」梁朝偉宣佈離開王家衛電影公司 老婆劉嘉玲做埋經理人【風再起時】梁朝偉郭富城影帝交鋒 翁子光︰好難揀男主角提名【風再起時】四大探長由年輕講起 後生版梁朝偉郭富城係佢哋？【風再起時】郭富城梁朝偉演四大探長 揭60年代貪警縱橫黑白兩道