【逆流大叔】出戰紐約亞洲電影節　觀眾大讚好寫實好勵志

由陳詠燊執導，吳鎮宇、潘燦良、黃德斌、胡子彤、胡定欣及余香凝（Jennifer）主演的龍舟電影《逆流大叔》，代表香港出席紐約亞洲電影節。同行的就有導演陳詠燊及Jennifer，《逆流大叔》是今年紐約亞洲電影節中壓軸登場的香港電影，亦是競賽電影中唯一一部香港電影，所以於當地備受矚目。

作為電影節推介電影（Centerpiece），導演陳詠燊表示有點受寵若驚，「不過見到首映禮放映後，現場觀眾反應好好，我先放下心頭大石，亦都為電影下月喺香港上映打咗支強心針。」至於Jennifer都表示好開心︰「可能電影對觀眾嚟講有唔少共鳴位，見大家喺放映後嘅問答環節都好踴躍。」今次是Jennifer 首次欣賞《逆流大叔》，估唔到都被電影打動到：「我一路睇一路諗返大家扒龍舟嘅戲份，拍攝嗰時真係幾辛苦，但係大家好享受大家一條心，即使幾攰都會一直撐落去，扒落去嗰種感覺。」