《逆流大叔》吳鎮宇望每年與一位新導演合作　拒絕接拍血腥電影

吳鎮宇今日下午出席香港龍舟嘉年華活動，宣傳由佢主演嘅電影《逆流大叔》，因為呢一套電影係一部勵志電影，戲中都講到佢有好重嘅扒龍舟戲份，而拍攝呢一部電影鎮宇佢好多時候都帶病拍攝，鎮宇都表示：「本身冇病到，係扒到病，因為我哋唔敢改佢劇本擺位，本身我係慣用左手，但佢一句台詞就要用右手，咁我都冇所謂，遷就一下佢哋囉，我自己又衰嘅，要一個唔熟悉嘅感覺去拍攝先，所以冇練習去拍，仲要拍嘅時候又熱又落雨，返去時候就病咗。」

雖然鎮宇病住拍攝呢一部戲，但佢喺拍攝戲途中都遇到一啲開心事，咁係啲咩呢？鎮宇分享：「因為獲得龍丹總會同國際龍丹比賽贊助我哋，就算我哋請人都請唔番呢種感覺，咁有外國人，鬼妹及及鬼佬，你知道㗎啦，女子組啲衫同褲就玲瓏浮凸，你知啦突然有啲女生，我哋就忍唔住叫姐姐，佢哋見到我哋拍戲又問拍咩呀！我哋又問姐姐妳哋個條又係咩龍呀？」幾句來來往往，鎮宇覺得呢件事之後令佢想起好MK嘅感覺。

今次呢一部電影都入圍紐約亞洲電影節，鎮宇都對於呢件事感到非常開心，「一部勵志電影能夠入圍係值得，因為龍舟喺某個時間我哋都推動得好積極。」至於鎮宇透露當初接呢一部電影時候，自己都同自己講係唔係應該每一年都要同新導演合作一次。因為與新導演合作會有好多新想法更加唔會與時代脫節。「自己本身又唔想拍血腥電影，新導演就覺得呢樣嘢可以容易入影展，我自己就表示唔好啦，想搵啲勵志少少，咁啱就有呢一部電影《逆流大叔》，所以就揀咗呢一部電影，亦都係第一次配合新導演。」