【金像獎2018】鄧麗欣轉行性感路線？ 睇好張艾嘉、毛舜筠爭影后
撰文：羅偉強
出版：更新：
上星期Stephy鄧麗欣在電影評論學會的頒獎禮上獲得「最佳女演員」，從影17年終獲得第一座演技獎。而昨晚（3月13日），Stephy以一襲性感的藍色半透視晚裝出席香港電影工作者總會一年一度的春茗，與一眾電影人共享一個輕鬆的晚宴。
見到Stephy少有地以性感現身，在場不少人都感到驚喜。而Stephy本人則笑笑口地表示：「都大個女，係時候性感。」連出席晚宴都穿得如此性感，可想而知金像獎當晚Stephy會如何盛裝出席，而她本人亦大方承認的確頗為性感：「其實都係以靚為主，性唔性感都係其次。不過我睇完覺得都幾性感，但我接受到。」聽她這麼說，大家可以期待4月15日金像獎Stephy有如何突破的衣著了！
而問到Stephy會否開始對金像獎感到緊張，她就表示：「都仲未識緊張，可能因為最近有好多類似嘅晚宴，太忙啦。」記得電影評論學會大獎前，Stephy好像都表現得不太緊張，但真正上台時卻真情流露口震震，有時緊張感真是到現場即時才有。
拿到首座影后後，Stephy與《空手道》的台前幕後一起慶功，好不開心。但Stephy表示慶功都是其次，為倉田保昭慶生才是重點：「佢真係好玩得，但好可惜佢好快就返去日本。佢仲同我講見到我拎獎，佢仲開心過自己拎獎，真係好有爸爸感覺。」而對於金像獎的得獎信心，Stephy似乎就表現得沒有很大信心：「自己一直好鍾意張姐（張艾嘉），而Mo姐（毛舜筠）一直都係我偶像，兩個自己都好鍾意。」其實無論最後能否得獎，《空手道》令大家知道Stephy是一個有演技的好演員，這已經是一個很大的收獲，可以期望Stephy會在未來展現自己更多的可能性予大家欣賞。