【金像獎2018】毛舜筠對影后感壓力 「排隊排到我先咁講」

雖然《黃金花》仍未上映，不過已經話題十足，不少人都引頸期盼。而今晚，戲中的女主角毛舜筠、男主角凌文龍以及導演陳大利一起出席香港電影工作者總會的春茗。

可能仍未習慣面對大量傳媒，獲金像獎提名「最佳新演員」及越級挑戰「最佳男主角」的凌文龍表現有點緊張，被問到隨著金像獎愈來愈近，是否都開始感到緊張，他就表示：「有得參與盛事好開心、好驚喜，但仲未識緊張。」而一旁的Mo姐就表示：「佢拎新人獎都實至名歸，不過男主角就要再排吓隊。」而問到Mo姐自己，她就表示自己很緊張，因為大家都對她有很大期望：「其實真係有壓力，不過唔知係咪大家都覺得排隊應該排到我先咁講。」Mo姐在《黃金花》把一名要照顧有自閉症的兒子，而且要同時面對婚變的屋村師奶演得真摯感人，作為大熱絕非僅因年資！Mo姐實在太謙遜！

不過問到Mo姐如何看其他角逐最佳女主角的對手，她就表示自己實在太忙，未有時間看她們的電影。「最近都忙拍甄子丹同王晶套《肥龍過江》，真係冇時間。不過有時間係應該睇吓。」相信忙透頂的Mo姐很快就有更多她作品會帶給大家，各位可以拭目以待！