【棟篤特工】首映禮C君問黃子華片酬收幾多 神之妙答大家要學
由黃子華自編自演的賀歲片《棟篤特工》由籌備到上映歷經多時，終於在2018年2月13日舉行首映禮。而是晚的活動真是名副其實的星光熠熠，除了主演的子華神、佘詩曼、鄭斯君（C君）等主演外，一眾配角甚至客串性質的明星都有份出席，包括林雪、鄭欣宜、張達明、白只、張繼聰、羅蘭姐等，還有專誠由日本飛來香港的波多野結衣，相當畀面子華神！
攝影︰黃國立
是晚的首映禮設有dress code，主題為「特工」，所以不少出席人士都會穿得配合這個主題，男的少不免都是恤衫西褲，而一眾「華女郎」就相當精彩，其中蘇麗珊一襲藍色露背晚裝成功突圍，謀殺在場不少攝影師的SD卡容量，成功搶去過江龍著名AV女優波多野結衣的鋒芒。
【棟篤特工】黃子華誓要脫毒 盡地一煲要做賀歲片票房一哥【棟篤特工】黃子華拍片鳴謝28位串星 「多謝大家拯救票房毒藥」
首映禮由欣宜現場獻唱《Final Calling》揭起序幕，超強巨肺式演唱令大家拍爛手掌。隨後子華、阿佘、C君等就在台上與各位分享點滴。其中大家都知C君是子華神的頭號fans，C君表示即使唔收片酬都要拍《棟篤特工》，「但好彩公司夠資本主義」，所以最後又有偶像見，又有戲拍，又有錢收，一舉三得。而作為代理主持的C君，一開始第一條問題就問子華今次拍戲有幾多片酬這種敏感問題，而子華亦很巧妙地答：「係C君兩倍片酬。」並指開始懷疑C君的頭號粉絲地位，想以這種問題「跣」他。
女主角阿佘聲稱等了很久才正式開拍，有否擔心過是子華「玩嘢」，其實根本不會開拍呢？「都等咗兩年，但冇擔心過開唔成，因為久唔久都有通知我進度。」阿佘如此表示。而對於兩人相隔七年再合作，子華表示：「阿佘中間已經拍咗成70套戲，但我哋都好似冇分開過咁。」多年沒合作，但默契依然，這是相當難得的事。而面對一眾台前幕後畀面到場出席首映，子華神表示：「《棟篤特工》係好多人努力而得來嘅成果，我哋花咗好多心力。同埋唔知點解會搵到咁多巨星幫手。」最後他都表示感謝各位，而首映禮隨著《棟篤特工》演員的大合照以及與大家拜早年的一聲「恭喜發財」下完成。
【棟篤特工】黃子華做悔婚男 陳慧珊謝安琪爭住拍片鬧衰佢【棟篤特工】黃子華做埋導演工作？ 導演：佢會幫手教演員點做