【年宵2018】招積張建聲現身維園　勁Sell《棟篤特工》《反黑》

每年春節其中一項指定動作，定必是行花市，買個風車轉轉玩。而今年維園花市就必然會出現一陣紅光！事關憑《反黑》彈起的張建聲Justin，將會現身hmv數碼中國集團的攤位，屆時將出售《棟篤特工》及《反黑》的產品。

由黃子華及佘詩曼主演之狗年賀歲片《棟篤特工》，電影公司所出產的一系列產品，包括 iPhone 電話保護套、以特工手提銀篋作為圖案的 tote bag 以及暗藏「槍械」圖案的迷你特製麻雀；而 hmv 的招牌狗仔 logo，正好配合狗年福到，所以亦化身招財狗，推出 cushion、頸枕及風車，仲有三合一幸運套裝 ─ 有齊魚蝦蟹、估大細同電動骰盅，啱晒成班朋友新年玩樂，新年又點可以唔賭返幾手呢！

更多《棟篤特工》產品：

至於去年憑《反黑》「招積」一角爆紅的張建聲 (Justin)，亦在年宵蒲頭，產品有招積漫畫圖案的手機殼、招積變色杯及招積 cushion，有杯又有枕，招積任你攬，Justin更講到明會做生招牌：「好多謝老闆蕭定一幫我出『招積』product，係我人生第一次有自己嘅產品，加上《反黑》有咁多支持者，真係好感恩，我會叫晒啲親戚朋友嚟捧場，希望賣晒去，呢次我起碼去花市三日，拋埋個身出嚟賣！」Justin 透露仲有一款未曝光的特色產品，會在明日正式曝光。

更多《反黑》年宵產品：