【多圖】湯告魯斯傷後復工拍《職業特工隊6》　跳樓追飛機搵命博

湯告魯斯（Tom Cruise）去年8月為新片《職業特工隊6》（Mission: Impossible 6）開工，穿上威也拍攝一場跳樓戲時，因起跳距離錯誤，未能準確跌進預計落地位置，下半身硬撼大廈外牆，導致腳踝受傷，拍攝進度亦告受阻。幸好經過多月養傷後，湯佬終於傷癒復出，一向出名搵命博的他，又再親身上陣拍攝高危動作場面，只見他飛簷走壁極唔錫身，只能提醒他一句「睇住呀」。

昨日湯佬於倫敦「黑衣修士站」大樓開工，拍攝一場屋頂追飛機場面，同類場面經常於《職業特工隊》系列內出現，觀眾應不會感陌生，而今集亦不例外，湯佬親自上陣，跳樓喪跑樣樣齊，吸引大批途人在車站附近圍觀。雖然拍攝進度延遲半年，但電影公司表示將如期於今年7月尾上映。