【午夜場】《職業特工隊》一聽到首主題音樂 就知有Mission

撰文:許育民
出版:更新:
今個星期上映的《皇家特工:金圈子》,為特工呢一行提供一個既具功能性,又高貴優雅的dress code。不過一講起「特工」呢兩個字,腦海未彈起畫面就先彈起音樂,系《Mission Impossible》的音樂,對年輕一代,應該比《鐵金剛》系列更經典。

這是1996年的作品,由湯告魯斯監製,將70年代的同名劇集,改編成電影版,一改就大收旺場。要知道當時靚佬湯正迷失於靚佬未滿,嗌佢靚仔又尷尬之齡,幾部新作《糖衣陷阱》、《吸血情迷》又去唔返《壯志凌辱》(Top Gun)同《手足情未了》(Rain Man)之勢,正待一個突破位。直至這部《職業特工隊》,為他開創一個全新的個人電影系列。更聰明系電影沿用舊版那首主題音樂,仲有那個經典的燃點藥引畫面做畫頭,sell埋回憶,成功吸納一班曾嫌棄佢嘅成熟觀眾。
數第一集經典,必然是偷入敵方電腦過資料,房間保安森嚴,又紅外線又有温度及重量檢測,熱少少重量少少都響警號叫,真系仲易激嬲過你老細。不過再impossible的事都被靚佬湯變成possible。整場戲都靜蠅蠅,搞到成班觀眾都同佢一齊緊張埋,透啖氣都細力啲,而且編劇又加入很多不似預期的突發疑難,一隻老鼠、一滴汗、一把刀仔,下下都緊張到想大嗌!呢種觀影感受,確係享受。
【午夜場】周潤發《阿郎的故事》用生命向前妻證明自己不是窩囊廢【午夜場】《車手》「8000轉2咪車」絕技 導演也看得傻了眼 【午夜場】《反斗車王》教會我們的事 輸有時比贏能贏得更多掌聲【午夜場】《狂野時速》系列改變賽車片模式 「家人」重要過輸贏