【午夜場】《我的最愛》王祖藍應該係財務公司的最佳職員

好耐冇睇王祖藍，雖然最近有套《老表，畢業喇！》播緊，但佢戲份比起前兩輯少得多，要睇番佢搞笑演出，不如上網。

有時會覺得王祖藍演技好誇張，但有時的確要咁誇張的演技，先可以演出這種角色。好似在《我的最愛》中的財仔職員，態度衰衰格咁，但由鄧麗欣步入公司開始，他已經帶領住成組戲。先用問米式方法問Stephy有冇電費單、水費單、煤氣單……入息證明，順口兼快到嚇親你，然後再爆出全幕金句︰「你好Q、你好蠢、你好Q蠢！」完勝了。

有趣係，全程態度囂張的他，聽到Stephy一輪失戀苦水後，頓時心軟，最後仲教番Stephy用借錢填番虧空公款去申請貸款會較易批。其實扮演服務員都算係王祖藍強項，另一次精彩演出係在古天樂主演的《保持通話》中，扮「幫緊你、幫緊你、幫緊你」的客戶服務員，呢幕又係一絕，有機會上網重溫下。