《絕世好Bra》一戲定生死　陳慶嘉︰如果呢部都唔得我就要轉行

交埋第三部學費

影壇缺乏新血，於是坊間出現不同的導演或編劇比賽，希望藉此吸納新人。陳慶嘉早前便出席由MM2舉辦的「新晉導演計劃」，分享個人創作經歷。陳慶嘉最為人認識的是一名喜劇導演，拍過的「絕世」系列，無論是好Bra、好B定好賓，都一定引過你笑，笑到你喊。

今天很多新入行的都想當導演，但當年陳慶嘉其實安於當編劇一職，亦開始當監製，但作品票房低微，令他走到轉行的臨界點。「本身都冇諗過做導演，只是當時監製了兩部戲，《江湖告急》及《野獸之瞳》都令老闆蝕錢，不過老闆好好人，仲肯俾第三次機會我。還說︰『都交咗兩部戲學費，唔通唔交埋第三部咩？』為免令老闆再蝕，我交出一個較商業的劇本《絕世好Bra》。」

點解你會拍呢種戲？

一個很有笑點的故事，感覺還似有少少甜，確實夠商業，老闆聽完都覺得好好，不過就因為這股甜，令行家卻步。「我當初問過不少行家肯唔肯拍，但個個都耍首擰頭，因為不想被定型為內衣導演。後來發覺都沒有太大問題，並冇人覺得猥瑣。」時代不同，今日看是小事一宗，但當年何曾是一件被嫌棄的。「電影拍完，臨近上畫，搵相熟的電台節目主持人做訪問，未睇套戲已經話點解我會拍呢種戲，講明不會介紹，甚至有人睇完都話大膽。但今天看來就根本冇嘢。」

其實陳慶嘉就是想借這個經歷，同有意投身導演的朋友講，不要畀自己太多限制，「我都有看不少學生作品，感覺太局限，太多社會的傷痕，好悲觀。作為新導演，最緊要將自己心底最真誠的東西拿出來，當然如果這些傷痕是你最真實的我亦不抗拒，但最緊要放膽去做。」陳慶嘉現為電影公司的主管，亦收到不少新人寄來的劇本，對於故事他就有另一番評審標準。「我最重視是當中有沒有一種好強烈想講的內容，而這東西是屬於他自己的，即使市場已有類同，但角度都是新鮮兼獨一無二，能觸動到我。」