SEN學生走進社區教拉筋 老師：不求完美動作，只想他們發揮所能

最近北角出現咗一班名為「伸展特工隊」嘅大小朋友，四圍邀請街坊舒展筋骨，佢哋係來自保良局余李慕芬紀念學校嘅師生。學校體育老師Roy同佢嘅團隊發現自閉症學生喺青春期嘅時候，身體柔軟度會下降，長遠會影響佢哋生活同自理能力。經一番研究成立嘅「伸展特工隊」，培養學生做伸展運動嘅習慣，隊員亦會定期邀請同學齊齊拉筋。「特工隊」喺校內熱身過後，近日走入北角社區，除咗傳播拉筋同伸展運動，仲令街坊認識佢哋多一尐，促進特殊學校學生與社區嘅接觸同溝通。

特殊學校學生嘅質素未必如一般人一樣，最重要係去搵學生能夠做到乜嘢，多於去搵佢哋做唔到乜嘢。