12個單身中年上司最難頂的特徵　最憎女同事著短裙、迫人陪佢OT

打工仔最怕上司？非也！打工仔最怕單身中年上司，有網民指他們不但要求多多，更有心刁難下屬同事，甚至逼走下屬，簡直神憎鬼厭！有網民早前在討論區開Po，「職場中女好X得人驚」，帖文引來不少網民熱烈討論。《開罐 Opener》整理網民熱數12個職場單身上司難頂特質，包括經常黑面、對下屬雞蛋裏挑骨頭、自以為幽默講爛gag、逼下屬一齊開OT等。即睇下文睇睇大家是否身同感受、深受其害！

有網民在連登討論區開Po，帖文題為「職場中女好X得人驚」，引來不少深受其害的網民激烈討論。樓主指自己是一名實習生（intern），但中年女上司情緒好有問題，令他每日返工都要承受很大壓力，「日日返到去都好X大壓力，學嘢慢啲又比佢X，搞到無晒心情做嘢」。他又指關心女上司也被當作暗寸，令他備受壓力，「唔知可以點捱埋之後個2個月......」

《Opener開罐》記者整理網民熱數12個中年單身上司難頂特質，包括黑口黑面、像個管家婆一樣甚麼都要管、對自己及其他人態度大不同等等，這些特質都會令下屬及一眾打工仔備受壓力，甚至冒出辭職念頭。

👇👇👇點下圖即睇網民12個單身中年上司難頂位👇👇👇

職場單身中年上司12個惡頂特質

1.黑面神

成日唔知咩事黑面，似全世界欠咗佢。

2. 雞蛋裏挑骨頭

工作做得慢少少又鬧，學嘢學得慢又鬧，連關心佢都覺得有其他意圖⋯...

3.患妄想症

經常覺得人哋講嘢有骨，仲編劇上身將說話內容加鹽加醋，再同其他同事講是非，完全將事實扭曲。

4.三秒記憶

「精神錯亂咁講完5分鐘之後話自己無講過……」

5. 自編自導

隔離team女上司誤會自己，被迫道歉，「佢仲將諗嘅嘢作咗一個故仔出嚟圓滿佢嘅想法….覺X得我欠咗佢………」

6.職場人生導師

永遠覺得自己年代的人最優秀，90後00後唔識做人

7.乜都要管

對年輕女同事的衣著過分關心，「著條普通裙都會話短，講足成年，道德塔利班嚟㗎。

8. 秒變雙面人

對女下屬擺晒面色，「惡起上嚟好似半澤直樹咁呼呼喝喝」，但對男同事或下屬即刻姨媽笑，溫柔過少女。

9.工作狂

人生只剩下工作，最難頂日日喺公司迫同事同佢一齊OT，非常唔人道！

10.藉口約女同事

放工後無人約，懶得做運動又無建立興趣，經常用不同藉口約女同事食飯，藉口傾心事搵人陪，令女同事擔驚受怕！

11.懶幽默

鍾意搞爛gag及笑話，但講完後只得自己笑，其他人笑唔出，氣氛勁尷尬。

12. 講黃色笑話

男上司講鹹濕嘢以為好好笑，其實女同事心感厭惡，更暗暗覺得這個人下流賤格！