馬鞍山夾糖小店被逼遷 23歲女頂舖做老闆：冇咗呢度我只係廢青
社區小店一間一間被消失，除了因租金貴，無接班人亦是致命傷。馬鞍山區一間經營逾15年的夾糖店，年初面臨同一命運，商場的舖位被租予連鎖集團，年邁的店主夫婦亦打算退休。
自小夾糖夾到大的90後女生Suki不忍失去童年回憶，也怕街坊無糖食，「唔通要出到旺角先夾到糖？」。為了「唔想大家無糖食」，她毅然決定把招牌頂下來做老闆，為夾糖店另覓新舖重新開業。
空氣瀏海、頭上綁著兩個髮髻、配上糖果造型耳環，年僅23歲的Suki活像真人版「牛奶妹」，糖果店老闆當得似模似樣。「其實都算幾衝動」，回想開舖過程，Suki沒有思前想後，單憑對夾糖的情意結勇往直前，「我唔想畀自己後悔」。
形容自己性格如「大細路」的Suki說：「戒唔甩糖癮，好鐘意食糖。」夾糖除滿足口腹之欲，亦代表她和社區間感情，「啲糖陪住我大，陪住返學，一拎到返學校就無晒啦」。夾糖是學生哥最喜歡的課後活動之一，Suki更是狂迷，「夾嗰吓係好開心，瘋狂夾，試過夾到百多元才收手」。
【小店故事】荃灣賺盡人情味拉麵店 日本老闆：窮人都食到日本嘢
【小店故事】元朗攝影老店8元一打學生相 老闆：做得幾耐就幾耐
小店的可貴之處在於人情味，自小光顧夾糖店，Suki憶述：「幫襯得多，同老闆娘真係慢慢變成朋友，真係契媽契女咁......之後去都唔係為咗買糖，係為咗吹水。」老闆娘打算退休，這位「契女」決定接手，老闆娘千叮萬囑：「唔好搞冧我招牌呀…...我唔放過你。」Suki緊遵教誨，每天以維持糖的質素為首要任務，她說：「佢要我抹櫃、清糖、清糖粉，一定要畀人一種乾淨的感覺。」
【良心小店】日本婆婆蝕本經營500円放題店 讓大家食飽就開心
【平絕港島】筲箕灣麵包小店日做17小時 $2.5菠蘿雞尾造福街坊
夾糖夾到開舖，可能是每個糖果迷的夢想，但一盤生意不能單靠熱情維持，糖妹Suki說：「賺錢？其實我都冇人工。」夾糖店剛開業個多月，生意未如舊舖般旺場，「呢個月都仲係倒貼緊」。被問到若最終蝕本離場會否後悔，Suki爽快地搖一搖頭，說：「至少我有做過，如果冇咗呢度，我諗我仲廢青緊。」