【美食博覽】會展食好西變大嘥鬼？小朋友：唔環保，第日食乜都冇

場內美食有幾多，垃圾就有幾多。走過全場每一個垃圾桶，每個都佈滿紙碟、膠兜及竹籤，你想得到的即棄餐具，都應有盡有。
連12歲的小朋友也知道，「睇個垃圾桶就知㗎啦，我覺得好唔環保，好多垃圾。我們來過幾年，所以都有自備餐具。」

App用戶請按此開啟瀏覽器觀看短片

年僅12歲，準備升中一的羅小朋友，
帶同一個盤、一隻叉前來美食博覽，
不用會場內的紙碟膠兜，
「我會同姐姐講，唔使喇，
唔使發泡膠同竹籤，直接放入我哋個盤就得喇」，
因為媽媽的教導，
他深明環保的重要性
「如果唔環保的話，
變成第日想食都唔得，
因為地球已經生病」。

會展Hall 1全場有約139個垃圾桶，
據現場觀察，
每個垃圾桶，
每小時裝滿一次，
全場每小時便會至少棄置139袋垃圾。
整個美食博覽，
總共開放48小時，
預計會製造約6,672袋垃圾。

市民黃小姐：「呢度所有嘢都唔環保，
每次搞呢啲展覽都係咁㗎」，
她認為叫市民自備餐具的成效很低，
建議舉辦機構可設立優惠，
例如在購票時提供自備餐具可獲購票優惠等，
期望鼓勵市民減少使用即棄餐具。

市民鄧先生：「我都可以咁樣考慮喎，
下年我真係可能自己帶個膠盒」，
他指自己未有想過自備餐具，
下次可以一試。