8A狀元棄拔尖終做旅遊KOL 梁彥宗：香港有夢比追夢更難
假如你會考手握8優，你能否抵得住誘惑，不拔尖，走自己想走的路？當年的男拔8A狀元梁彥宗，為了體驗國際化的寄宿生活，放棄拔尖入讀國際學校。認識到世界之大，梁彥宗再走出comfort zone，報考美國普林斯頓大學，主修生態學，不向「狀元科」屈服。
【點擊「全螢幕」看完整片段】
家人老師不支持放棄拔尖
「我覺得拔尖係慳咗一年，但所謂慳咗一年，其實係蝕嘅……你最free最學到嘢嘅時候，你放棄一年，做乜要咁快撲出嚟做嘢呢？」梁彥宗笑言，當時父母都希望自己拔尖，既省時間又省一年學費，而且所就讀的李寶椿聯合世界書院在香港知名度不高，有小學老師甚至誤以為他是會考失手，鼓勵他要繼續努力。
不惜再面對考大學壓力繼續讀預科
轉讀國際預科文憑（IB），梁彥宗表示起初不習慣課程模式，因為要寫大量文章，連數理科目也要用文字答題，還要再次面對考大學的壓力。「基本上你拔尖就肯定有一科會收，出嚟亦會平步青雲。但嚟呢度就要從頭報大學，有可能無大學收。」
寄宿生活奠定留學旅遊意向
但梁彥宗認為兩年寄宿生活非常值得。「我認識咗啲同學嚟自也門啊、馬其頓呢啲香港人較少認識嘅國家，先知道呢個世界有幾大。」而決定到美國進修，以及對旅遊產生興趣，亦是因為在學校擴闊了眼界。「我去咗呢間學校睇咗好多嘢，識咗好多人，先至會去咗美國讀書，先至會去旅遊。」
選科不為滿足他人期望
除了憧憬國際化的寄宿生活，梁彥宗對所謂大熱的「狀元科」並不感興趣。「拔尖有好多拔尖科，我對個啲無乜太大興趣，通常唔係醫生律師就係business㗎啦。」直至考入美國名牌大學普林斯頓大學，梁彥宗繼續本著「人一世物一世」的想法，不讀所謂「精英科」，而是隨興趣選修生態學。
為興趣主修較冷門的生態學
得知修讀生態學有機會到肯亞交流3個月，梁彥宗表示被非洲草原的生活體驗所吸引，因此下定決心主修生態學。「當時都參透咗個玄機就係讀咩科，同做咩工其實冇乜關係……不如讀啲自己覺得得意嘅嘢。」
【狀元棄錢途追夢】無懼樂壇萎縮 尖子做填詞人：氣餒但enjoy
求職失敗為前途擔憂
到了大學最後一年，梁彥宗開始為就職籌謀，曾應徵做海洋公園動物飼養員，亦應徵過漁護署，但都沒有回音。而梁彥宗身邊的朋友則陸續安排好工作，自己不禁開始為前途感到擔憂。「一般我啲做banking嘅朋友10月就有return offer，佢地一畢業就知道自己做咩，好穩定。嗰時就好驚，我好似仲周圍玩緊咁。」
應徵澳洲「絕世筍工」後變身旅遊KOL
同年3月，澳洲旅遊局推出被譽為「絕世筍工」的昆士蘭國家公園巡護員，梁彥宗形容筍工的出現猶如「畢業明燈」，因此應徵筍工，更打入最後三強。當時澳洲旅遊局要求參加者拍攝宣傳片段，開設網上推廣平台，為自己增取支持，對從未接觸宣傳工作的梁彥宗而言是一大挑戰，但就成為了做旅遊KOL的契機。
失落「絕世筍工」後，梁彥宗回港當上夢寐以求的DJ，機緣巧合下再到TVB做旅遊節目主持，可以說是夢想成真。
香港有夢想比追夢更難
梁彥宗自問也是教育制度下的考試機器，明白香港學生為何難有自己想法。「我嗰時小學都係咁，啊媽都係話學琴啦，學小號啦，學多幾樣嘢，寫到十幾頁紙，明明自己小六咋嘛，哇成本履歷，然後就去報學校。」去到美國留學，梁彥宗體會到自由的制度才會孕育出有夢想的學生。
有夢就自然有方法實現
在香港談追夢，是否只是高材生的專利？梁彥宗認為追夢前提是有夢想，而香港的教育制度，並不鼓勵學生「發夢」。「所謂追夢嘅第一個條件係你要有夢。呢個條件係難過你讀書叻定唔叻。你要知道自己興趣所在，但我發覺香港好多人未必有認清。可能因為學習模式或教育制度太單一。」梁彥宗又指，認清興趣，多留意身邊機會，就自然有方法實現夢想。
「我覺得唔好諗嗰啲成績能力，好多都係你自己個心，有無嗰樣嘢存在。」