【職場雞精】在職媽媽拒OT惹不滿　曾錦強：加班搏升職已out喇！

人在職場，身不由己。許多時候「To OT or Not to OT 」，真是一個問題！近日，有一位打工仔在討論區開帖，投訴新同事因為要回家煮飯給4歲的兒子而拒絕加班，於討論區「吐苦」，結果自己反而被網民公審，被譏為「奴性重」。
在「朝九晚五」蕩然無存的年代，加班是否必然？這又是否上位的階梯呢？喜歡炮製「變態級福利」、試行1個月有薪假的廣告集團The Bees創辦人曾錦強及GoGoVan創辦人之一的林凱源，不約而同表示是否給員工升職加薪，主要考慮員工的成績。兩位老闆連同職場達人Son姐向《香港01》分享，從老闆角度如何看待員工加班的問題，乃至職場不時見到的「偽加班」文化。

先講一講「公審」的個案。據帖文內容，涉事的「新同事」是一位年輕媽媽，已多年沒有到職場打工，因此十分多謝新老闆給予機會，表示「會好努力」。「舊員工」眼見「新同事」說得誠懇，便向她派發工作，兼向她說明需要加班，但「新同事」則堅持準時6點收工，以便去街市買餸回家給兒子煮飯，引起「舊員工」的不滿，在網上大罵「邊有得咁大條道理話要買餸唔OT嫁？」

豈料，「舊員工」不但鮮有得到其他網民支持，反而遭到圍插是「思想有問題」。網民普遍的反應，都是指出加班並非必然，員工準時下班是應有的權利，將加班看得理所當然，才是不正常的事。有網民直斥「舊員工」奴性重，亦有網民認為「舊員工」想將不合理的事合理化。在群眾的聲討下，「舊員工」甚少作出回覆，僅在出現零聲支持的網民下，強調買餸是藉口，但不再堅持「加班是道理」。

過來人分享經驗   上位非靠加班

曾錦強認為，公司應該尊重同事的家庭需要，「我會同啲單身嘅同事講，唔好因為自己嘅工作習慣，而影響到其他要返屋企見家人嘅同事。」他解釋，作為上司有責任做一個平衡，知道員工放工或放假後，正常都不應該找他們處理公事，「呢啲原則要守」。

曾錦強續稱，總結以往經驗，其實老闆不與員工計較，員工也不會與老闆計較，在重要或緊急的時刻，員工自然願意加班幫老闆辦事。除此以外，作為前打工仔，曾錦強自己當時已經奉行「準時收工」的職場態度，不會因為公司文化而「偽加班」，「我會做自己，唔會介意身邊人點諗，屬於早收工果批，但以前照樣好快升職加薪。」

老細更欣賞成績　「偽加班」無助升職加薪

不過，思維中認為加班是職場秘笈的打工仔，即使沒有需要，都會自行「偽加班」，以求有事可以保住工作，無事有利升職加薪。現在做了廣告公司老闆的曾錦強，坦承工時長不代表質素好，「睇有冇加班唔係最好嘅指標，而係睇工作表現。如果員工真係朝九晚五，但表現好好，其實值得畀好嘅人工或升佢職。」假如有人想通過加班來向上級營造勤力的形象，曾認為「絕對係過時」，「努力做好件事，好過做形象工程啦﹗」

GoGoVan創辦人之一的林凱源，亦直稱經常加班的員工與好員工沒有關係，「我主要係睇同事的成績係咪好。有啲同事用短啲時間，有啲係要加班先掂，呢啲係能力而定。」林凱源續稱，自己覺得下屬的工作效率更重要，也不希望公司內出現偽加班的情況，「明知啲嘢唔難做，但你要做好耐，即係話畀人知你做唔掂。」一些慣了「偽加班」的打工仔，他們容易因為明知很晚才下班，做事時會放慢節奏，結果令效率下跌，「我唔建議『偽加班』……我寧願同事同我講，有嘢做唔晒聽日返來繼續，仲好。」

職場達人：當你要偽加班　係時候諗辭職

資深獵頭人兼職場達人張慧敏亦指出，職場上有些老闆覺得員工遲收工才是好員工，他們的員工又真的會遲收工，「呢啲真係絕代雙驕，大家一齊攬炒！」原因是當員工為加班而加班，工作態度亦容易變得不積極，「你交出來嘅功課頂多達標，你會覺得已經好叻，因為你做左喇嘛。」對公司而言，員工「偽加班」也有害無益，「為做而做，坐係度，冇令件事更好，甚至唔係做嘢，浪費燈油火蠟。」

假如公司流行「偽加班」文化，張慧敏奉勸打工仔想清楚自己是否應該繼續留在公司，「啲人在留在公司做樣畀老細睇，你做落去，除咗一份人工，你唔會有滿足感，亦唔會有將來。」