前空姐全職炒股　現揸兩層樓搞火鍋店　張容容呻︰冇錢係賺得簡單

花旗銀行最新公布的「香港千萬富翁調查」顯示，去年全港千萬富翁只有5.9萬名，在女性千萬富翁中，未婚的佔32%。有美女股神之稱張容容﹙Michelle﹚雖然只是90後，但她指出，自己於股票市場賺得第一桶金後，旋即套股換樓，現手持兩個單位作長線投資；近日更與友人合資搞台式火鍋店，投資額達到400萬元。
樣子甜美的張容容於2014年中辭去空姐一職專心炒股，「成名」於2015年港股「大時代」。那時候，已有網民評論道她只是依賴運氣，狠批「幾年後肯定﹙蝕到﹚失蹤」。2年剛好過去，張容容並無失蹤，選擇與朋友合資搞餐飲賺「辛苦錢」，她不禁吐苦水申冤︰「冇錢係賺得簡單……有人話我係幸運，但我都好努力啊﹗」

記者訪問當日，向這位美女股神轉述有網民認為她的成功是因為運氣好，張容容一聽到這個評論，紅唇微微一動似想立即回答，但還是選擇吞下一口氣，頓了1秒後徐徐說出︰「有人話我係幸運，係，但我都好努力啊，而且見太多炒股唔成功嘅例子，所以我每成功一次，就攞錢出來做其他嘢，唔會獨孤一味，唔會『All in』 股票。」

美女股神也「中招」的股票

所謂「唔成功嘅例子」，張容容自己就經歷過，在2014年9月26日，她借了孖展重倉的中國天然氣﹙0931﹚一度單日跌逾70%，大部分升幅近乎化為烏有，幸好之後趁它股價反彈成功沽貨套現，但深切感受到股市沒有永恒，教訓深刻，自此習慣成功從股票到一筆錢，就套現投資其他東西，同年買下人生的第一個物業亦是因此而起，加上在2015年再買第二個物業，暫時從「磚頭」賺得200萬元的帳面利潤。

即使來到現在，張容容炒股也不是一帆風順，例如去年12月開始入股的恒寶﹙1367﹚，她的買入價最低的只是1.8元，今年1月一度高見4.1元，但隨後發生內地富豪肖建華返回內地接受調查的事件，本港多隻細價股出現大跌，恒寶正是其中之一，「佢跌穿2元，好傷心。」幸好當年養成的習慣，事前已在接近4元的時候賣了30%持股，無須蝕錢，亦有本錢繼續「坐」餘下的持股，捱到現時的反彈浪潮。

「生活節奏慢咗」

張容容承認「今年以來啲持股賬面升少少咋」，直言細價股過去半年已不如以前好炒，「最近個市麻麻地，好難賺，啲細價股嘅棚有以前咁大，你用100萬元買入一隻股票，人地望住你來出出入入，唔可以大手買入。」細價股市場變得艱難，觸發張容容決定將部分資金轉投生意。

做生意講求細水流長，不如炒股買樓般可以剎那間賺1倍，張容容則有另一個感覺，「冇錢係賺得簡單，炒股買樓，時來運到就會賺好多，但細價股係出現問題，大陸收緊水。」投資物業亦非一本萬利，尤其是現時有多項「辣招」壓縮了獲利空間，「管理又好麻煩，有時客人唔交租又要跟進，冇租收時又白供樓，洗好多無謂錢，除非樓價升好多。」如今，她視做生意是「第二條路」，「生活節奏反而比以前經常炒股慢咗。」