【溫多娜手記】嘉華自製手機App「一嘉人」 　同員工玩遊戲送鮑魚

不少大型企業均透過科扣，以加強內部聯繫。嘉華國際（0173）為加強與員工的溝通，於去年初便推出自家研發的手機應用程式「一嘉人」，現時已經有85%同事下載。好似新年即將來臨，就係App內搞咗個《新春慶豬年》有獎遊戲，就要用emoji估新年四字祝福語，估中晒的同事就有機會贏到新西蘭清湯鮑魚一罐。

僱主與時並進，善用「科技」加強溝通，當然係好事啦。這個「一嘉人」由集團人力資源部及資訊科技部自家研發製作， 程式連接公司內聯網管理系統，十大功能包括瀏覽公司新聞、活動報名、投票、向公司發表意見、瀏覽公司活動花絮照片、瀏覽 K-Channel 視頻，及參與有獎遊戲等。

而平時集團仲會用不同手法發放資訊，如文字、相片和影片，仲有推出數碼多媒體平台 K-Channel，以DIY影片將第一手公司資訊及活動、專題，以及同事的「特別技能」分享，令員工間製造更多共同話題，提升團隊凝聚力。公司咁畀心機搞關係，今年都獲得《Job Market》頒發「卓越僱主大獎」及「卓越僱員溝通大獎」。