【溫多娜手記】宏利2000名員工參加百萬行 出力又出「車」！
撰文：溫多娜
出版：更新：
尋日就係公益金50周年百萬行，向來搞作多多嘅宏利香港首席行政總監萬士家（Guy Mills），今次就率領一班管理層同埋近2,000名員工，齊齊着上印有公司新logo嘅型仔綠色衛衣，參加今年百萬行。
雖然天氣咁凍，但都完全唔影響大家熱心為公益，佢哋由中環愛丁堡廣場出發，途經中環及灣仔繞道，最後抵達北角終點，足足步行5.3公里。
公司唔單止出心出力，仲出埋「車」添！宏利香港今年特別派出一輛印有新logo嘅「流動物資」專車，向宏利參加者派發食物和飲品，為步行隊伍打氣，認真細心又貼心。
原來，宏利自從1995年開始，已經動員公司上下支持「公益金百萬行」。公司透露，截至去年已為公益金累積籌得1,600萬元，今年會繼續努力籌款，支持公益金嘅「家庭及兒童福利服務」。