【溫多娜手記】恒生加團隊活動津貼　每位有1500蚊

恒生（0011）近年股價表現強勁，一度見「雙紅底」，成為不少基金嘅愛股。幕後功臣肯定係一班勞苦功高嘅員工，公司自然要諗方法「鼓舞」一下佢地。

公司副董事長兼行政總裁鄭慧敏（Louisa）就好有心思，特意喺恒生總行博愛堂舉辦咗一場品酒會，同超過50名同事把酒交流，仲請來專家講解多個國際知名品牌嘅葡萄酒，當中包括受內地客戶喜愛的澳洲酒品牌Penfolds﹙奔富﹚。

不過，咪以為得少數員工可以happy hour咁厚此薄彼。其實，恒生每年都會為各部門提供團隊活動津貼，以加強員工的團隊精神及合作，2019年度仲會增加逾8,000名香港員工的團隊活動津貼至每位1,500元，較舊年度多25%。計落，一年總開支都要1,200萬元，但員工是公司最寶貴嘅資產，對於去年賺200億嘅恒生而言，小意思！