【香港書展2018】楊岳橋講醜小鴨故事　小朋友：我想再聽多次

在開始講故事前，主持人先問一眾小朋友：「知唔知今日係邊個嚟講故事？」他們都大叫：「楊先生！」可是當主持人問到楊岳橋的職業時，小朋友都異口同聲說：「係講故事嘅！」似乎不知道他原來是立法會議員，令楊岳橋哭笑不得。

楊岳橋也表示自己是第一次講《醜小鴨》，又說和小朋友講故事其實難度很高，「（講故事）好有難度，驚嚇親小朋友，如果用平時喺立法會個樣會悶親小朋友。」

想孩子成為律師就要識駁嘴

主持人問道身為大律師的楊岳橋，如果家長也希望子女成為律師的話，可以有什麼辦法。他笑言：「想佢哋做律師，就俾佢哋駁吓你咀，訓練到對答同思維。」

小朋友要求再說一次

然後楊岳橋就開始和小朋友講故事，他全程投入且表情豐富，不時都會提問及跟他們互動。當說到醜小鴨碰見母雞和小貓的情節時，他更模仿雞「呱咳叫」和貓「瞄瞄叫」，十分有趣。講完故事後，有小朋友更向楊岳橋說：「我想再聽多次。」但可惜時間有限。

最後，楊岳橋更向小朋友們解釋《醜小鴨》故事的寓意：「如果喺學校見到同你唔一樣嘅人，唔好笑佢，要保護同尊重佢。而相反就算你同其他人唔同，都總會搵到欣賞你嘅人。」