【香港書展2018】家長掃30本補充　媽媽：補充練習對成績有幫助

媽媽：做補充練習對成績有幫助

而已花了一千元購買補充練習的許小姐說：「書展嘅補充練習種類都比較集中，而且多版本選擇。」她又認為補充練習對小朋友的成績很有幫助，「我估計成績都提升咗20%-30%，所以補充練習其實都幾重要，熟能生巧嘛！」

被問到小朋友是否喜歡做補充，她坦言：「佢就梗係唔中意做補充，都係我命令佢做。佢冇嚟書展，因為佢唔想面對呢啲嘢（補充練習）。」

爸爸：買得多先係怪獸家長

另一邊廂，王先生指他不會強逼小孩做補充，「佢鐘意做數學就做數學，鐘意英文就做英文， 唔鐘意嘅科目唔會逼，逼佢效果會唔好。」他又認為購買補充並不等於怪獸家長，「買得多先係怪獸家長，聽有人會買50幾本，太誇張，唔翻學都做唔曬啦！一科買三、四本就ok。」

購買升中一補充給女兒的殷先生也表示自己只會隨意地給女兒做補充練習，「唔會趁暑假就叫佢做多啲，考試之前先做。」而殷先生的女兒也不抗拒做補充練習，「做咗補充後中文有進步，對成績有幫助，其實都無所謂嘅。」

家長指買太多也做不完

而溫先生對購買補充表示無奈，「無辦法，學校提供唔切，所以買補充課餘俾佢做。」他覺得購買補充會令家長安心一點，「起碼有做過，考試出番類似嘅題型可能會記得點做。」溫先生已在書展購買了八本補充，但表示未來可能會再買更多，「主要睇學校課程安排，啲野未學過但又要加強番咪要買。」

他同時也擔心買了太多補充，「因為根據經驗，之前買咗嘅補充，最後小朋友淨係做咗四、五成左右。學校本身有練習，出去補習又有，唯有抽啲嚟做。」他又指家長應多獎勵小朋友，「其實怪唔怪獸家長係睇你點對小朋友，小朋友做得好就應該要獎勵，佢對成績著緊就會做（補充練習），逼死佢地會做唔到嘢。」

此外亦有家長覺得花4、5千元買30本補充練習給小朋友，是希望提升孩子競爭力，「因為人哋成績好過佢，所以唯有做多啲。嘥時間、嘥錢都對成績有幫助。」她坦言小朋友不太喜歡做補充，因為失去了玩樂的時間，「都係半強逼叫佢做，同埋佢就升中，都明白呈分試係重要。」