做男人　點可以買超跑？　林寶前車主：阿仔燒到38.5度，但架車…

超跑，是所有男人的夢想：法拉利、林寶堅尼、瑪莎拉蒂、Aston Martin，以至近期的McLaren。街道上無數的七人車、Benz、豐田、貨車、巴士，像熙來攘往的師奶、貴婦、清道夫、肥婆。
唯獨是偶爾經過Skyline GTR 35， 像一個剛擺脫MK味的MK妹，依然青春可人；Maserati Gran Turismo GT，像娜娜多姿的中環OL，像穿花蝴蝶穿梭在Landmark至Alexandra House的名店之間；至於Lamborghini Aventador，可說是曇花一現，比Mandy Lieu出世，卻又比Maggie Q入世的歐亞混血兒： 只要一經過，全街的男人均停下腳步，一方面為驚豔讚嘆不已，另方面搖頭嘆息：這些機會不是我的！

近年興起的Tesla S，雖說不上的什麼超跑，但卻又有另一種小清新，像個愛攝影，去台灣就終日在文創區Cafe流連，FB Profile Pic永遠是黑白色的靚女文青。當然，上述的超跑，大部份屬於200萬港元以上類別，unless你是人生勝利組，例如 ibanker， 或Clifford Chance律師，或 Google的Geek（take it as a compliment），這些機會確實不是你的。

但是，SJ有個朋友，雖然只係個普通中環人（非人生勝利組類別），賺只是above average的人工，但屋企開車房，所以非常熟悉車的維修。一直以來，SJ這位朋友只是開一部屋企的Estima 7人車，雖然舊d，但勝在省油，實用，老少咸宜（他已婚，有個2歲的兒子）。放假就天倫樂，一家人開車去郊區玩。但這位朋友，就叫他A，一直覺得自己的人生欠缺了一些激情：他從小就渴望擁有一部超級跑車。他老婆對買跑車之事，多年來採取 「拉布」的戰略，每次都勸A遲d再算，一拖再拖，但結果最終難逃剪布的命運，像香港的立法會。

有一天，A 拍板以80萬元（分期） 買了一部 10年車齡的 Lamborghini Gallardo，並租多了一個車位。拿車時A 欣喜若狂，檢查部件全部無問題，唔係搵笨的Agent車。頭三個月，A去哪裏都開這部Gallardo，雖然已經10年車，但依然風采迷人，成條街都會望。 A個個Weekend都開呢部 Gallardo上飛鵝山跑山路，夠刺激。人生完滿了。但是，好景不常，可能因為玩物喪志，疏於工作，A最近跑數差了，人工也相應下調。A決定把Estima 7人車賣掉，以節省車位以及牌費等。但A當然決定抱住Gallardo。

然而， Gallardo豈是池中物？5000cc的V8 engine，加上係舊式技術，每個月入油都要洗$6,000左右。靚靚超跑，又怎能不扮靚？每個月打蠟洗車，又去左幾千元。 有幾次，有d仇富的 「廢青」 ， 又刮花了Gallardo的車門。這樣一刮，又無左$30,000，無錯，係三萬港幣。

面對急劇消失的銀行存款，A 開始慌了。 屋漏偏逢連夜雨，有一晚，A的2歲 BB 兒子發高燒，係38.5度，仲要嘔吐不停，情況危急，分分鐘燒壞腦。A住西貢的村屋，call了白車，但政府服務（雖然庫房年年賺大錢，又用幾千億起d 唔等洗的高鐵同新跑道），尤其在2012年後，越來越不可靠。A等了15分鐘，連車聲都聽唔到，心想：靠政府真係死得人！那年頭，還沒有Uber這種App。A 把心一橫，決定開車送兒子去醫院。但A抱著兒子，與老婆到了停車場，才赫然記起，Estima已經賣出，只剩下呢部2 座位的 Lamborghini Gallardo，點載埋老婆去醫院呢！就算老婆抱住個仔，但部車避震咁硬，係咁情況下，容乜易 「凳」到個仔變癡呆？

如果無賣到部 Estima 7人車，就唔洗咁落魄！！ 結果，兩公婆望住部超跑，欲哭無淚，覺得很絕望。 呢個時候，警笛越傳越大聲，白車到了。最終，幸好A的兒子無事，而家仲係 St. Paul’s Co-Ed讀小學添！結果，A無耐就把 Gallardo賣掉，換回另一部實用型的 Volvo 7人車， 過回平凡人過的生活了。

SJ結語

呢個故事，教訓男人：跑車呢樣野，唔係個個玩得起。刺激感會磨滅，虛榮心也不過如浮雲。在債台高築以及家變之前，還是懸崖勒馬，做個好男人，買返部平凡低調的7人車吧。

【原文轉載自StealJobs.com。StealJobs全面透露各行各業人工，工時，晉升前景，以及入行攻略，歡迎匿名提供收入資料。】