【FF】阿嬌金句用係職場會點？　開會、面試場境講完等於無講！

有「靚到360度零死角」之稱的阿嬌（鍾欣潼），今天宣布封盤結婚。阿嬌在娛樂圈發展多年，一直較為寡言，不過一出聲便一鳴驚人，經常製造金句。
打工仔如在職場上使用這些金句，不知會有什麼效果呢？看看以下兩個幻想出來，卻極貼近現實的場景，說不定可為工作帶來另樣喜感！

面試篇

面試官：「你CV睇落都幾Jumpy。」
阿嬌：「每個人都歷史，每個人都有過去，只要唔介意、包容同喜歡就可以。」

面試官：「點解你會有轉工的決定？」
阿嬌：「個個都轉工，唔通個個都想轉工咩？不過唔轉工點會有得加人工。」

面試官：「即係你純粹為加人工先申請呢份工？」
阿嬌：「唔通為加人工就唔可以去搵工？」

面試官：「咁你係咪可以即時返工？」
阿嬌心想：「你真係好天真，好傻。梗係喺我老闆面前跳完草裙舞先再算啦。」

開會篇

老闆：「阿嬌，你做咩成日開會都唔出聲？」
阿嬌：「我只係說話比較簡單，我回答問題會用最簡單嘅說話，但被人誤解成唔想講。簡單不代表囂張。」

老闆：「唔係話你串，即係希望你多啲表達自己啫，好似啲同事咁，開會時會講多啲嘢，畀多啲橋。」
阿嬌：「個個都畀橋，唔通個個都想畀橋咩？佢哋廢事畀你話唔講嘢之嘛。」

老闆：「你嘅意思係同事其實都覺得開會好廢？」
阿嬌心諗：「去到而家先知，你真係好天真，好傻。」

還好阿嬌不是每天朝9晚6上班的打工仔，否則她的老闆、上司應該會聽不明白，立即「黑人問號」，或是直接黑面也說不定。溝通從來是雙方的，你說得清楚，也要對方聽得明白才行，若打工仔發覺自己的語言技巧有所不足的話，還是快快想辦法改善一下吧！