烈日當空的清晨，新蒲崗的工業大廈一帶已停滿貨車，一眾赤膊上陣的男運輸工人正在忙碌搬貨，突有一道「清涼」風景。一位身穿小背心、熱褲、爬山靴、綁起金色長髮的「神奇女俠」，揮汗如雨地手拉重達200公斤貨物，穿梭於工廈、馬路間搬貨。去年，她在網上爆紅，只因幾張在羅便臣道運貨時被拍的照片。她，是30歲的港版羅拉，當過酒店保安，也當過救生員，但忍受不了是是非非，最終投入運輸行業八年，原因是喜歡與男士相處的爽快。攝影：梁鵬威撰文：李慧妍
車水馬龍的工廈搬運區，是男人的天地。在別人眼中辛苦、污糟搬運工作，卻早在朱芊佩（小珠）童年種下憧憬果籽。（梁鵬威攝） 小珠幼時家住美孚新邨，做生意的父親很愛帶她看貨櫃碼頭的日常運作，「佢教我呢個系20呎櫃、嗰個系24呎櫃，睇住啲機器將貨櫃夾嚟夾去，覺得好好玩，好想知點操作。就算平時玩砌積木，都會砌貨櫃碼頭。」說畢，小珠靦腆地笑了笑。（梁鵬威攝） 畢業後的四、五年間，小珠在各行各業到處打滾，最終投身運輸業界：「我中五畢業，做過酒店保安、文職、銷售員、清潔工、救生員，但每份工都做唔長，太多是是非非、勾心鬥角，無咁自在。」（梁鵬威攝） 心灰意冷之時，小珠在工作期間會與運輸工人接觸，便羨慕他們可駕車四處送貨、見識世面，而冥冥中天意也想這個女孩「追夢」，讓她在報紙中看到一則運輸工招聘廣告，打開了她的新生之門。（梁鵬威攝） 「大家講嘢好真、好直接，又好團結，有時唔夠力就會互相幫忙，雖然做物流成日大汗滴細汗，但系做得開心，又儲到經驗、錢，又會學到唔同嘅嘢。」小珠說。（梁鵬威攝） 心急投身社會，全因家庭支柱的父親生意失敗，一家四口生活頓時陷入拮据，「我想快啲畢業，揾到嘢做，幫輕屋企」小珠說。（梁鵬威攝） 小珠找到物流運輸工作，但要在男人的天地立足，要付出雙倍汗水之餘，更要有強大的心臟面對流言蜚語，「試過有人會同我講：『女人仔返屋企煮飯啦，嚟呢度做咩呀？』我聽完無出聲，用行動證明俾佢睇我係得嘅。」（梁鵬威攝） 「好多人覺得我挨唔到一個月，點知我做做下，又做咗幾年。」小珠試過烈日當空下，疲於拆貨、搬貨，在貨車之間來回奔跑，連一點食飯時間也沒有，最終體力不支近乎暈在車板上，她說罷，又笑呵呵：「然後我去隔離飲水休息，再飲一升牛奶，又無事。」（梁鵬威攝） 今年的5月天很酷熱，下午氣温持續高達攝氏30度以上，小珠如常身穿小背心、熱褲，熟練地「唧」車再加貨物在卡板上，從一棟工廈拖出貨物再搬上車，8包各淨重25公斤的米，小珠亦輕鬆托起、放下。（梁鵬威攝） 上戰場一段時間，難免會留下不少「戰績」。小珠愛穿淨色小背心和熱褲，古銅色的皮膚下，雙腿的大大小小瘀傷仍清晰可見。（梁鵬威攝） 有一次更發生手指骨裂的嚴重受傷，「果欄做嘢落貨，司機無提前講要落板，我仲拎緊送貨車出嚟，一隻腳踩住車、一隻腳企系車尾板，一拎送貨車出嚟，車板同時下降，成個送貨車即刻飛出來，先打中頭，後打中手指，好在頭無事，但手指血流不止，即刻白車送院，去到仲等咗半個鍾，左手手指裂骨、碎骨，諗起都覺得恐布。」小珠說。（梁鵬威攝） 「試過一個人落60板貨，啲貨無特別重，普通嘅就200公斤左右，有啲就300、400公斤，有米、日用品。嗰日10點開工，做到半夜1點，拆完貨物只系覺得兩個字：『腳軟』！」小珠說。（梁鵬威攝） 在社企餐廳的經理透露，小珠送貨2、3年，試過送漏貨後即時跟進補充，雖然平日說話不多，但感受到她的熱誠和有禮貌，每次來到餐廳，都受到員工和食客的歡迎。（梁鵬威攝） 日復日的搬貨、拉貨、送貨，令小珠她的大腿及「老鼠仔」線條盡現，「我都驚太man，所以時刻提醒自己繫個女仔，放假就會穿裙，打扮下自己 。」小珠邊說邊笑得腰果眼再現。（梁鵬威攝） 聽到司機說後日要到貨櫃碼頭拆貨，小珠即興奮道：「我又要去，我又要去，拆貨好正呀。」（梁鵬威攝） 那次受傷後小珠未敢告訴家人，休養約一個月，便立即復工：「揾食啊嘛，手停口停，我唔似其它人，我乜都要靠自己，唔想咁大個人，仲要問老人家拎錢。」停了停，小珠若有所思地說：「如果可以嘅話，我都想靠自己撐起成頭家，但香港哩個地方很難，人工只能勉強養到自己。」（梁鵬威攝） 
