旺角涉賣貓狗肉｜常有人一袋二袋掉垃圾漏菜汁　街坊震驚：好殘忍

旺角上海街近快富街一單位疑有人賣貓狗肉作食物，今日（29日）漁護署、食環署及警方展開聯合行動，檢獲35公斤懷疑貓狗肉，消息稱有5人被捕。據了解，涉案人士均為越南人，有街坊驚悉事件大感錯愕，並指經常目睹涉事人士一袋二袋出入，菜汁溢出，「我以為係餸渣‥‥‥嘩咁殘忍，想嘔呀！」

《香港01》記者今晚往上海街唐樓現場視察，可見涉事單位外放有大量層架及雜物。一名本身有養貓的女街坊稱，不時在深夜時份發現涉事南亞裔人士，「聯群」出沒手持紅色膠袋出入，「綁實嘅，幾袋幾袋，幾個人拎落去，我以為係餸渣嚟。」她不以為意，亦不會八卦他人事，但得悉事件涉及貓狗肉後，驚呼：「嘩咁殘忍？想嘔呀‥‥‥賣出去有人要咩？」

街坊卓先生則指，涉事單位搬來約一年多，且單位「封得好實」，下午及傍晚會較多人出入，「知佢煮嘢食！但唔知煮咩！成日倒垃圾！一袋一袋黑色大膠袋拎落去掉！」他指，不清楚亦嗅不到對方烹調甚麼，有時會漏出菜汁，驚悉真相後不忍稱：「好殘忍！貓肉狗肉，邊個接受到呀？」