【葉繼歡病逝．重返大埔道】錶行經理槍林下護花：子彈打到上六樓

1992年3月，葉與多名同黨持重火力，涉嫌相繼打劫彌敦道謝瑞麟金行及大埔道兩間金行，過程中更與警員駁火及挾持人質，導致多人受傷。

其中一個案發現場大埔道，當年金行林立，如今僅剩零星數間。然而有目擊劫案的老舖職員，對當時的大場面仍歷歷在目。於大埔道經營50多年的錶行，經理邵先生當年親歷葉繼歡打劫對面街的周生生金行的情境。

梁耀忠憶賊王最後鬱結　遺憾少見留學女　不願離婚

邵先生指當時臨近黃昏時份，突然聽到街上傳來連續槍聲及警鐘響聲，他便已心知不妙，「密集式槍聲，數唔到嘅」，邵馬上落閘關舖，直言當時連步近門外張望也不敢，「嗰個年代一開槍死梗㗎，子彈橫飛，咁沙膽（張望）命都無」，邵指店內當時有數名女客人被嚇至驚慌大哭，「有女仔嚇到喊，我即刻叫佢哋入去店後面」。直至槍聲完結，警車聲漸至，邵方敢步出店外查看，「當時成條街滿晒警車，差人圍住晒，連間金舖都望唔到」，邵指曾聽聞「有子彈打到上六樓」。

笑指CID進駐金舖

經歷過大賊猖獗的年代，邵指當年打劫案件幾乎每日發生，「如果唔係揸槍打劫都唔係新聞嚟，因為幾乎日日都有，輪流打劫，睇吓邊間唔好彩」，他指錶行當年亦曾多次遇劫，損失超過數十萬，「幾個人揸手槍揸斧頭入嚟，打爛玻璃就搶」，當時警員登門調查已是每日家常便飯，笑稱「當時我哋要搵個CID（警員），當伙記坐喺度」，然而邵指當年的店舖即使遇劫，亦無法加強保障，只能靠警方多加巡邏。

周生生經理憶賊王連劫五間金舖：報應

葉繼歡於1996年，攜帶大批軍火偷渡回港於西環上岸，途中遇上警員爆發槍戰，最終下身中彈被擒。有車房老闆憶述當年指葉繼歡於附近圍欄邊被捕，但至他上班時警員早已清理好現場，被問到悍匪於附近登岸有否感到害怕時，老闆尷尬地說：「X！都唔多覺㗎，X！」

擒賊王三警兩轉揸警車　前O記幹探：佢未算最兇！