【葉繼歡病逝】悍匪憶述獄中相遇：佢同囚友打乒乓波輸十幾廿萬

「一代賊王」葉繼歡病逝，他生前被囚禁於赤柱監獄。同樣曾被囚赤柱監獄、已被假釋的銀行殺警悍匪文錦棠接受《香港01》訪問時指，葉繼歡曾稱受文錦棠打劫銀行的新聞啟蒙，「原來做嘢（犯案）要做大單嘅！」

年過六十的文錦棠，一生打劫銀行十四次，1973年與一幫人打劫渣打銀行、劫走數十萬逃走時，開槍打死一名警長，期後被捕判處死刑，再特赦轉至有期徒刑，最終於1997年獲釋。

葉繼歡因1984年打劫尖沙嘴及中區的珠寶金行，第一次入獄時，文錦棠已經與他見面，回憶當天，文指對葉繼歡的第一印象並非「醒目大賊」，「第一次見成個鄉下仔咁」，但到葉繼歡第二次入獄，「做咗咁多大單嘢先至有王者風範」。

由於文錦棠年紀比葉繼歡大逾十年，兩人「唔係傾過好多偈，但我有同葉繼歡傾過，佢話我對佢影響都好大」。文錦棠於七十年代一連作十多次械劫案，葉繼歡亦有閱讀有關新聞。

與囚友打乒乓球輸十多萬元

文錦棠引述葉繼歡曾向他稱，「睇到新聞，原來做嘢（犯案）要做大單嘅！」葉才踏上劫金舖之路。文續指，葉繼歡首次入獄時，仍會與其他囚友一同活動，並會跟他們打乒乓球賭博，「舖舖一萬幾千，（葉繼歡）輸十幾廿萬」，但笑言「我就無同佢打過乒乓球，我邊有咁多錢同佢打呀！」而最終賭款如何安排，文錦棠稱也無從得知。

一代賊王96年第二次入獄，保安亦比第一次入獄森嚴得多，亦轉為單獨囚禁，「佢係重犯，無人可以接觸佢」。文稱，每次葉繼歡出入囚室，所有監房均會封鎖，「我哋唔可以行近佢一百米內」。直至上周文錦棠到赤柱監獄探訪，發現「好大陣仗，有飛虎隊」，才知道是葉繼歡身體不適需要入院。

葉繼歡於2004年受洗成為基督徒，文亦透露日前有牧師前往醫院深切治療部探望葉繼歡。對於葉繼歡在生亦無法出獄重獲自由，文指「生命終結喺監獄入面好遺憾」，因囚犯在獄中等待廿多年，「失去自由加上絕望，個心情係喺絕望中再得絕望，比即時槍斃更痛苦」，認為葉繼歡在死前有宗教信仰，亦是一個解脫。