【港人菲製毒案】宣判後首開腔　四人斥裁決不公：個法庭做緊乜？

會被調到馬尼拉大型監獄

獄中四人情緒稍有平復，聆聽律師解釋宣判結果，律師指四人將會被調到位於馬尼拉的大型監獄，並提出兩個方向，第一為原庭重審，由同一位法官重新考慮其判決；第二為直接申請上訴，屆時過程將會以書面來往進行，無需上庭。惟四人擔心做法成數不高，而且將要再經歷漫長過程，神情絕望，梁樹福不斷用毛巾拭淚。

梁樹福稱判決不公　望港府關注

梁樹福哭訴判決結果不公，「你將我斬手斬腳都唔會認！我真係無做過，全地球都知係假嘅事，明屈我哋，咁都可以判有罪，你話呢個法庭做緊乜，呢個係咩國家嚟？」。梁樹福怕自己有生之年也不能再見家人，「以後都見唔到個女喇！累咗啲家人」。女兒琳琳不斷從旁安慰，「點會見唔到，我逐個逐個帶佢哋嚟見你」。她希望鼓勵爸爸振作。梁樹福認為，法庭無法還他公道，只能用盡一切其他辦法。他希望香港政府及特首林鄭月娥能關注其冤案，製造輿論壓力，更稱希望政府能透過抵制菲律賓向菲律賓施壓。

郭錦華認為終身刑期刑罰太重

「我哋仲有幾多時間，以𠵱家咁叫我哋捱多一年都難！」郭錦華指，終身刑期刑罰太重，令他們失去希望，「你話坐兩三年，我都起碼仲出得番去，宜家判終身，我都五張幾咯」。

圖輯：四名港人菲律賓製毒案　案發經過及判決情況