【港人菲製毒案】四港人靜待今裁決　家屬：驚期望太過高

四名港人2016年於菲律賓捲入海上製毒案被拘留至今，案件經過兩年審訊後，將於今日（14日）判決。香港01記者於判決前一日探訪獄中四名港人，四人中有人對判決滿懷希望，亦有人因緊張結果而茶飯不思，認為如得不到公平判決，只能聽天由命。家屬指對案件有信心，但擔心期望愈大失望愈大，經歷兩年煎熬，眾人已心力交瘁，直言不敢想像如敗訴後的下一步，「有片有圖有真相都唔畀我哋走，係咪真係要返去轟林鄭？」。

判決將至　緊張失眠

臨近判決的前一日，四名港人仍然於被囚兩年多的奧隆阿波BJMP監獄內，家屬到獄中探望四人，甫見面已展露歡顏，四人稱最近數個月被調到一間較大的牢房，雖然仍要三人共睡一床，但床位已比以前寬敞及通風，盧姊一見面更稱盧比之前「發福」了，但面對判決將至，四人亦難掩緊張心情，郭錦華指自己近來數天徹夜難眠，梁樹福亦表示自己近兩天每每想起將要判決，及家人會前來旁聽，便已緊張得茶飯不思。

獄中「穿珠仔」送家人　

四人當中盧榮輝及梁樹福今日預先執拾好部分個人物品給家屬帶走，包括衣物及書本等，又詢問家屬如屆時被判勝訴能否即時離開，對結果期望甚大。兩人亦趁於獄中的空檔時間，為離別多時的家人作「小手工」祈求平安，用膠珠穿成「平安」及「大吉大利」等字句，梁樹福指「希望送畀屋企人同小朋友」。

對判決樂觀　「我哋係無辜，天不怕地不怕」

盧榮輝稱做好心理準備離開監獄，認為按照證據勝訴應無大問題，只希望審訊結果公平。盧又指案件歷時近兩年，四人於去年7月開始出庭作供，惟仍歷時至今方有結果，當中經歷更換法官、證人缺席等問題令案件再三拖延。梁樹福則指對結果雖感到樂觀，但決定權始終在於法庭，「我哋係無辜，就天不怕地不怕，如果喺香港早就放咗啦。但如果佢係要屈我，咁我惟有聽天由命，等死」。

盧榮輝胞姊：驚期望太過高，一有咩事接受唔到

「去咁耐菲律賓，最緊張同擔心係今次，有少少透唔到氣嘅感覺」，於四人出事後，最為奔波的是盧榮輝的姊姊盧樹好，兩年間她來往菲律賓20次，面對弟弟滿有信心，反而令她更擔心，「但我驚期望太過高，一有咩事接受唔到」，因此她稱只能祈求審訊有好結果。

家屬無助：係咪真係要返去轟林鄭？

盧小姐又認為事件令她感到港人於海外被拘留十分無助，「好無助，領事話唔可以干涉菲律賓點點點，我哋只係想要畀佢哋舒適少少，點解未判嘅拘留者要咁慘？如果有林鄭寫吓信或者會好啲」，她指現時不敢想像敗訴的下一步，「如果聽日有事，仲可以搵咩途徑？律師都唔得，有片有圖有真相都唔畀我哋走，係咪真係要返去轟林鄭？」

歷時兩年的審訊，曾多番出現變卦，包括法官被恐嚇後拒絕四人保釋，導致要更換法官，其後又被控方以不同理由拖延審訊，盧小姐指感到十分氣餒，「次次都係佢哋（檢控方）果邊贏，我只係想最後畀我哋贏番一次」。