六旬義工與視障智障人士「魔術」同行10年：別說施予，我是學習

看不見的魔術，同樣能傳播快樂。雲姐10年前在盲人輔導會成立了「小丑義工隊」，隊員皆是視障及智障人士。10年來，義工隊表演超過40場，而雲姐光是兩年來擔任義工的時數，便超過了300小時。
她曾嘗試邀請朋友一同做義工，惟她們難忍行人怪異目光，去完一次便無影無蹤。雖然已年過六旬，但她沒想過退出，視幾乎同齡的「孩子」如己出，「唔好話係施予，做義工係學習。」

雲姐（陳快雲）直言，當年成立義工隊純屬玩票性質，沒料到一「玩」就「玩」了10年，「一切都係無心插柳，果陣喺呢度做咗幾年義工，心諗不如同佢哋玩玩魔術。」雲姐當時對魔術一竅不通，拿著教學按圖索驥，邊學邊教，從簡單小魔術教起，就這樣成立了「小丑義工隊」，隊員都是盲人輔導會朝陽中心宿舍裡，患有視障加智障的學員。

「佢係家寶、佢哋係阿耀同阿鳳，佢係敏明。」雲姐介紹的四位學員，都是義工隊的「骨幹」，雲姐來了多久，他們也就跟著拜師學藝了多久，他們都屬於輕度至中度失明。訪問期間聽到有人開門，本來坐下的家寶立刻站起身側頭聆聽，「家寶快啲坐低！」雲姐回過頭，笑著向記者說，「佢係咁多個之中，最容易分心，每次出去表演都唔集中。」

「一開始只係教佢哋簡單魔術例如拔朵花，變條絲巾，後來慢慢加啲難度。」訪問那天，家寶給記者變了鐵環魔術，將三個大環圈纏於手上，一串花俏的動作後，朝天輕拋，落下來時鐵環就連成了一串。聽到掌聲，家寶嘴角上揚。

輪到阿耀阿鳳出場，由於阿鳳視力較弱，但樣子笑起來討好，因此負責轉轉圈跳舞，從封套變出不同顏色的唱片，「阿鳳零舍受老人家歡迎！」站在一旁指揮的雲姐，按能力給隊員設計魔術，成功感寫滿一臉。「笑一吓俾攝影師哥哥睇，一陣帶你去食叉燒包！」聽到叉燒包，學員個個精神抖擻，露齒而笑。自己表演的魔術儘管看不見，但觀眾看得投入的掌聲，毋需用眼睛便能領會。

學員遭歧視：個仔咁樣唔好出嚟啦
學員喜歡上茶樓，但人手有限，機會不特別多，「我有帶過朋友做義工，帶佢哋去茶樓。」但外人的歧視和閒言，令很多義工感尷尬，再也不來。「聽過佢哋(旁人)話，你個仔咁樣，就唔好帶佢地出嚟啦。」雲組說：「我想問佢哋，如果嗰個係你自己仔囡，你聽到人地咁講會點？佢地（智障視障人士）就係需要見下外面個世界，同人接觸多啲。」

相處十幾年，雲姐對學員給予百分百信任。有次演出，負責跳舞的阿耀出場，走起來欲跌未跌，眾人看得膽戰心驚，「我好相信佢，知佢冇問題。」最後阿耀仿佛「悠然轉醒」，站得穩穩，眾人鬆了一口氣，台下雲姐卻始終「冇驚過」。

做了義工逾廿載，雲姐也忍不住問自己，我到底哪來的耐心去教他們呢？「阿囝同我講，媽咪，因為你細個教過我，所以妳能夠教其他人。」

親生兒曾被診斷智力較低

所有東西，都是緣分，雲姐現時27歲的兒子，孩提時曾被診斷智力比同齡孩子低，或要就讀特殊學校，「我於是將所有時間都放喺仔仔身上，唔靠其他人；佢唔識分大同細，我就放一大堆糖，放一細堆糖，教佢點分。」幾年過去，入小學前再做檢查，醫生說智商達標，可以上主流學校。兒子轉眼間已大學畢業，投身社會，「耐性喺當時培養出來。」

在小丑義工隊看到無比毅力
當義工多年，雲姐從沒抱「服務」的心態，「唔好話係施予，我係喺度吸納。做義工係學習，除咗少少時間，我咩都沒有付出過。」她指，從小丑義工隊身上看到了無比毅力，「連佢哋都可以堅持，我有咩理由唔堅持落去？」

雲姐有正職，在小學教授手工藝班，她偶爾會在堂上，用「小丑義工隊」勉勵學生，「我同佢哋講，我有盲和智障嘅學生，佢哋都能做到（變魔術），你哋有咩藉口放棄？」她坦言，教識他們變魔術，成就感特別大，「人哋唔承認佢哋，唔相信佢地可以做到，但佢哋做到！」或許對她來說，見證義工隊蛻變成老人院內的開心果，本身就是最大的魔術。

四名隊員中，最大年紀的阿耀64歲，跟66歲的雲姐幾近同齡，這群「小丑義工隊」加上導師，加起來超過270歲，然而阿雲沒想過退下來。面對社會上的殘疾人士，她只有一個心願，「希望父母唔好放棄呢啲小朋友，比佢哋多小小耐性，佢哋都可以成功。」