訛稱可低息貸款呃巨額保證金　警拘四騙徒　行騙貓紙對白曝光

詐騙集團招攬圖搵快錢年青人，扮銀行提供低息貸款呃巨額保證金。警方今搗破一個詐騙集團，拘捕2男2女，涉嫌串謀詐騙，利用非法取得的業主資料，致電訛稱可提供低息貸款，收取保證金後逃去無蹤。警方檢獲一些詐騙台詞和業主資料，正聯絡名單上的業主，幸暫未有人表示被騙。根據騙徒的貓紙，內有多句不同的對白，包括會對客人說：「用先計息，唔用唔收手續費⋯⋯」

暫未發現受害人

警方早前接獲線報，指一個詐騙集團透過非法手段，取得一些業主的資料，自3月開始租用觀塘開源道一個辦公室單位建立電話中心，招攬想搵快錢的年青人，假扮銀行職員隨機致電上述業主，訛稱可以提供1.7厘至3厘的低息貸款。一旦有人上鈎，就約至觀塘，與自稱只是代理借貸服務的人員簽署合約，但必須事先繳交巨額保證金，騙徒收取後就會逃去無蹤。

警員經深入調查和情報搜集後，取得法庭手令，今午兩時採取行動，掩至觀塘上址，以涉嫌串謀詐騙拘捕兩男兩女，將被通宵扣查。4人年齡介乎22至33歲，包括至少一名骨幹成員，部份人有三合會背景。警員亦在辦公室檢獲寫有行騙台詞的紙張、十一部手提電話、七部固網電話、一部電腦。以及一些業主資料。警員透過資料聯絡上業主，部份表示有收過行騙電話，但暫時沒有業主表示上當的業主。

新界南總區刑事部重案組第一隊總督察謝旦生強調，串謀欺詐屬嚴重罪行，一經定罪，根據《刑事罪行條例》最高可處監禁14年。他呼籲青年勿輕信他人，以搵快錢心態以身試法，市民亦要小心核實自稱銀行職員的來電。行動仍在進行中，警方不排除會有進一步拘捕行動。

唔該我想搵XX小姐/先生，XX銀行架，我姓林 咁今次主要介紹番俾X小姐/先生，呢個月有個業主循環備用現金既優惠，相信業主身份俾番我地新客戶口，咁利息方面都係行緊1.7-3哩，用先計息，唔用唔會收取你任何手續費或者利息，咁X小姐/先生出面其他外債，私人貸款、二按三按供緊架!

唔該我想搵XX小姐/先生， 我係代表XX銀行聯絡番，我姓林，X小姐係2015年係我地銀行做過樓宇按揭既，相信你係業主既身份，亦都供款記錄良好，今次主要係想介紹返比業主，呢個月有業主循環備用現金既優惠，比番我地一D舊有既客戶。利息都係行1.7-3哩，用先計息，唔用唔會收取你任何手續費或者利息。

被質疑身份時的指定答案：

一)我係你銀行做過頭按，唔係有我資料嗎?
答：基於私人條例，我地無權去開你檔案。

二)點解我係銀行職員，有咩證明?
答：因為呢度係推廣部，我地電話COLD CALL。如果有疑問或不相信我係本行職員既話，我可以SEND張卡片俾你。

三)點解會有我資料?
答：因為相信係業主既身份，係各大銀行做過按揭物業，都會睇到。